Roglicek lidertza eskuratu du Moncalvillon
Primoz Roglic Red Bull-Bora-hansgrohe taldeko txirrindulari esloveniarrak irabazi du 2024ko Espainiako Vueltako 19. etapa, Ben O 'Connor (Decathlon AG2R) australiarrak ia lasterketa osoan mantendu duen lidergoa eskuratuz eta maillot gorria jantziz. Roglicek erasora jo du bi taldekiderekin batera Logroñon hasi eta Moncalvillo (173,5 km) gainean amaitu den etapako azken kilometroetan, eta inor ez da gai izan aurre egiteko.
Roglicek ederki aprobetxatu du Daniel Felipe Martinez eta Aleksandr Vlasov taldekideek eman dioten bultzada, Moncalvillo igotzen hasi bezain laster.
Roglicentzat hirugarren etapa garaipena da Vuelta honetan, baina saririk onena aurretik bi etapatan eraman zuen liderraren maillot gorria berreskuratzea da. Sailkapen nagusian Roglic da nagusi, orain 1:52ko aldearekin O 'Connorrekiko, eta hirugarren postua Enric Masentzat da, 2:20ra.
Eguneko ihesaldian Del Toro mexikarra (UAE), Planckaert belgikarra (Alpecin), Miholjevic kroaziarra (Bahrain) eta Petilli italiarra (Intermarche) izan dira, denak sailkapen nagusiko goi postuetatik oso urrun, beraz, lasaitasunez joan dira buruan.
Laukoteak sei minutuko aldea ere izan du, baina hasieratik argi geratu da tropelean sailkapen nagusiko taldeen borondatea nagusi izango zela, euren liderrek garaipena jokoan izan zezaten Errioxako mendatean.
Larunbat honetan hogeigarren etapa lehiatuko da Villarcayo eta Picon Blanco artean (172 km).
ETAPAKO SAILKAPENA:
1 - ROGLIC Primoz (Red Bull) 3:54:55
2 - GAUDU David (Groupama) +0:46
3 - SKJELMOSE Mattias (Lidl) d. b.
4 - MAS Enric (Movistar) +0:50
5 - LANDA Mikel (Soudal) +0:57
6 - RODRÍGUEZ Carlos (INEOS) d. b.
7 - DUNBAR Eddie (Jayco) +1:01
8 - KUSS Sepp (Visma) d. b.
9 - CARAPAZ Richard (EF) +1:03
10 - LIPOWITZ Florian (Red Bull) +1:23
SAILKAPEN NAGUSIA:
1 - ROGLIC Primoz (Red Bull) 76:43:36
2 - O'CONNOR Ben (Decathlon) +1:54
3 - MAS Enric (Movistar) +2:20
4 - CARAPAZ Richard (EF Education) +2:54
5 - GAUDU David (Groupama) +4:33
6 - SKJELMOSE Mattias (Lidl) +4:47
7 - RODRIGUEZ Carlos (INEOS) +4:55
8 - LIPOWITZ Florian (Red Bull) +5:55
9 - LANDA Mikel (Soudal) +6:40
10 - SIVAKOV Pavel (UAE) +7:39
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.