Kaden Grovesek bigarren garaipena kateatu du segidan, Burrianan; Evenepoelek lider jarraitzen du
Kaden Groves (Alpecin Deceuninck) australiarrak irabazi du Espainiako Vueltako bosgarren etapa, Morella eta Burriana (Castello) artean jokatu dena 186,2 kilometroko ibilbidearekin. Remco Evenepoel (Soudal-Quick Step) belgikarrak liderraren jertse gorriari eutsi dio.
Groves, bezperan ere Tarragonan garaipena eskuratu zuen txirrindularia, Filippo Ganna italiarraren (Ineos) eta Dries Van Gestel belgikarraren (TotalEnergie) aurretik sartu da helmugan.
Jardunaldiak ez du aldaketarik ekarri sailkapen nagusian; izan ere, Remco Evenepoelek jarraitzen du elastiko gorria soinean duela. Hori bai, sei segundoko gainsaria eskuratu du tarteko esprint batean.
Horrenbestez, Enric Mas (Movistar) 11 segundora eta Lenny Martinez (Groupama) 17ra daude orain sailkapen nagusian, biak podiumeko postuetan. Vingegaard 37ra dago, Primoz Roglic 43ra eta Juan Ayuso 44ra.
Ostegun honetan, seigarren etapa jokatuko da, La Vall D'uixó eta Pico del Buitre-Javalambreko Behatoki Astrofisikoaren artean, 183,1 kilometroko ibilbidearekin.
ETAPAKO SAILKAPENA:
1 - GROVES Kaden (Alpecin) 4:23:43
2 - GANNA Filippo (INEOS) d.b.
3 - VAN GESTEL Dries (TotalEnergies) d.b.
4 - DAINESE Alberto (DSM) d.b.
5 - ASKEY Lewis (Groupama) d.b.
6 - THEUNS Edward (Lidl) d.b.
7 - GONZÁLEZ David (Caja Rural) d.b.
8 - SOUPE Geoffrey (TotalEnergies) d.b.
9 - EZQUERRA Jesús (Burgos-BH) d.b.
10 - DRIZNERS Jarrad (Lotto) d.b.
SAILKAPEN NAGUSIA:
1 - EVENEPOEL Remco (Soudal) 17:12:29
2 - MAS Enric (Movistar) +0:11
3 - MARTINEZ Lenny (Groupama) +0:17
4 - VINGEGAARD Jonas (Jumbo) +0:37
5 - VLASOV Aleksandr (BORA) +0:39
6 - UIJTDEBROEKS Cian (BORA) d.b.
7 - ROGLIC Primož (Jumbo) +0:43
8 - AYUSO Juan (UAE) +0:44
9 - SOLER Marc (UAE) +0:48
10 - ALMEIDA João (UAE) d.b.
Zure interesekoa izan daiteke
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
2026ko Emakumezkoen Vuelta Galizian hasiko da maiatzaren 3an
Ibilbide osoaren berri martxoaren 9an emango dute, Ribeiran.
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.