Espainiako Vueltako 5. etaparen profila eta ibilbidea: Morella-Burriana (186,5 km)
2023ko Espainiako Vueltako bosgarren etapa abuztuaren 30ean (asteazkena) jokatuko da, Morellatik (Castello) irten eta Burrianan (Castello) amaituko da, eta 186 kilometroko ibilbidea izango du. Aurreko egunetako etapa batzuek izan duten ibilbide gogorraren ondoren, jardunaldi hau esprintean erabaki daiteke, hori gertatzeko profil egokia baitu.
Txirrindulariek mendiko sailkapenerako puntuagarria den mendate bat aurkituko dute bidean, Collado de la Ibola, 2. mailakoa. Batez beste % 3,9ko maldak igo beharko dituzte; ez da oso gogorra, baina bai luzea, 11,4 kilometro egingo baititute gorako bidean. Vueltako antolatzaileek igoeraren amaiera adierazten duen pankarta jarri dute etapako 132,5 kilometroan, hau da, amaieratik 50 baino gehiagora.
Horrela, eta Vuelta hasi berria dela kontuan izanda, esprint masiboak erabaki lezake etapako garailea. Esprinterren taldeak horretan saiatuko dira, eta horretarako egingo dute lan.
Honako hauek dira gaurko faborito nagusiak: Juan Sebastián Molano (UAE Emirates), Alberto Dainese (DSM), Bryan Coquard (Cofidis), Kaden Groves (Alpecin), Hugo Hofstetter (Arkéa) eta Iván García Cortina (Movistar). Hala ere, ziur beste txirrindulariren bat ere saiatuko dela irabazten.
Datozen zortzi egunetan, beste bi aukera baino ez dituzte esprinterrek euren gaitasuna probatzeko: ostiralean, Utiel eta Olivia arteko etapan, eta datorren ostegunean, Olvega eta Zaragoza lotuko dituen ibilbidean.
ETAPAKO PROFILA
FITXA TEKNIKOA:
Etapa: 5. etapa (abuztuak 30, asteazkena)
Ibilbidea: Morella-Burriana
Distantzia: 186,5 km
Irteera ordua: 12:50
Iritsiera ordua: 17:19 (45 km/h) | 17:30 (43 km/h) | 17:43 (41 km/h)
Mendiko saria: Ibola (2. maila), 132,5. kilometroan
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.