2023ko Espainiako Vueltak bi etapa amaiera Nafarroan izango ditu
Espaniako Vueltaren aurtengo ekitaldiaren ibilbide ofiziala aurkeztu dute astearte honetan Bartzelonako Musikaren Jauregian. Lasterketaren 78. ekitaldia abuztuaren 26an abiatuko da Kataluniako hiriburutik, eta irailaren 17an iritsiko da Madrilera.
Euskal errepideek protagonismo propioa izango dute lasterketan zehar; izan ere Nafarroak Belaguan helmuga izango duen 14. etaparen amaiera hartuko du, baita 15. etaparen irteera eta ailegaera ere, Iruñea eta Lekunberri irteera eta helmuga puntuak izanik.
Gauzak horrela, lasterketa irailaren 9an, larunbata, iritsiko da Nafarroako lurretara, Zuberoan zehar eta Larraine mendatea igo ondoren, 161 kilometroko eta lau mendateko jardunaldian.
Hurrengo egunean, irailaren 10ean (igandea), hamabosgarren etapa Nafarroatik igaroko da bete-betean, hiriburutik irten eta Lekunberrin amaituta, 156,5 kilometro eta hirugarren mailako hiru mendate gainditu ondoren.
Tourmalet eta Angliru, Vueltako mendate garaienak
Bestalde, Tourmalet eta Angliru izango dira Vueltaren 78. edizioko mendate garaienak. Lasterketak 21 etapa izango ditu, eta horietako 10 maldan gora amaituko dira, tartean sekula igo gabeko bost mendate egonik.
Horrez gain, bi erlojupeko ere izango dituzte zain txirrindulariek. Bata, taldekakoa, lasterketari hasiera emateko balioko duena; bestea, banakakoa, Valladoliden zehar jokatuko dena bigarren astearen hastapenean. Gainera, mendi ertaineko sei jardunaldi, lauak izango diren beste lau eta lauak izan arren maldan goran amaituko diren bi.
ESPAINIAKO VUELTAKO ETAPEN IBILBIDEA
1. etapa (abuztuak 26): Bartzelona – Bartzelona (14,6 km) (Taldekako erlojupekoa)
2. etapa (abuztuak 27): Mataro – Bartzelona (181,3 km) (Mendi ertainekoa)
3. etapa (abuztuak 28): Súria – Arinsal Andorra (158,5 km) (Menditsua)
4. etapa (abuztuak 29): Andorra La Vella – Tarragona (183,4 km) (Mendi ertainekoa)
5. etapa (abuztuak 30): Morella – Burriana (185,7 km) (Mendi ertainekoa)
6. etapa (abuztuak 31): Vall D'Uixo – Javalambre (181,3 km) (Menditsua)
7. etapa (irailak 1): Utiel – Oliva (188,8 km) (Laua)
8. etapa (irailak 2): Denia – Xorret de Cati (164,8 km) (Menditsua)
9. etapa (irailak 3): Cartagena – Caravaca de la Cruz (180,9 km) (Mendi ertainekoa)
Irailak 4: atsedenaldi eguna
10. etapa (irailak 5): Valladolid – Valladolid (25 km) (Banakako erlojupekoa)
11. etapa (irailak 6): Lerma – Laguna Negra-Vinuesa (163,2 km) (Laua, baina amaiera mendatean)
12. etapa (irailak 7): Olvega – Zaragoza (165,4 km, Laua)
13. etapa (irailak 8): Formigal – Tourmalet (134,7 km) (Menditsua)
14, etapa (irailak 9): Sauveterre de Béarn – Larra Belagua (161,7 km) (Menditsua)
15. etapa (irailak 10): Iruñea – Lekunberri (156,5 km) (Mendi ertainekoa)
Irailak 11: atseden eguna
16. etapa (irailak 12): Liencres Playa – Bejes (119,7 km) (Laua, baina amaiera mendatean)
17. etapa (irailak 13): Ribadesella – Angliru (122,6 km) (Menditsua)
18. etapa (irailak 14): Pola de Allande – La Cruz de Linares (178,9 km) (Menditsua)
19. etapa (irailak 15): La Bañeza – Iscar (177,4 km) (Laua)
20. etapa (irailak 16): Manzanares El Real – Guadarrama (208,4 km) (Media Montaña)
21. etapa (irailak 17): Zarzuelako hipodromoa – Madril (101 km) (Laua)
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.