Roglicek irabazi du atarikoa eta bera da liderra, bigarren izan den Alex Aranbururen aurretik
Primoz Roglic (Team Jumbo-Visma) txirrindulariak irabazi du larunbat honetan 2021eko Espainiako Vueltako lehen etapa, Burgosen. Bertako katedralean hasi eta amaitu den 7,1 kilometroko erlojupekoan esloveniarra nagusitu da, Alex Aranburu (Astana-Premier Tech) gipuzkoarrari irabazita.
Roglicek sasoi betean dagoela erakutsi du erlojupeko tekniko batean, eta Aranburuk baino sei segundo gutxiago behar izan ditu ibilbidea betetzeko (8:32).
Bere aldetik, Mikel Landa (Bahrain-Victorious) arabarra doi-doi heldu da irteera gunera, eta ez du erlojupeko onik egin; izan ere, Roglicek baino 39 segundo gehiago behar izan ditu.
Adam Yates (INEOS Grenadiers) britainiarra ere lehenetarikoa izan da ateratzen, Landa bezala, eta bere denbora izan da tarte batez helmugan onena. Dena den, azkenerako esloveniarrak baino 20 segundo okerrago egin du. Aitzitik, garaipenaren aukeratik gertu egon dena Aranburu izan da. Ezkio-Itsasokoak hainbat txirrindulari ikusi ditu helmugatik igarotzen bere denbora ondu ezinda, irteera puntuan azkena izan den Roglic iritsi den arte.
Horrela, faborito nagusiak eta lasterketako egungo irabazleak itxura ezin hobea eman du hasieratik bertatik, eta, bide batez, lehen segundoak sartu dizkie aurkariei. Besteak beste, erlojupeko bikaina egin duen Enric Mas espainiarra (Movistar Team) 18 segundora geratu da. Bere taldekidea, Miguel Angel 'Superman' Lopez, 21era dago eta Richard Carapaz (Ineos) ekuadortarra, 25era. Bestalde, Egan Bernal kolonbiarrak (Ineos) garaileak baino 27 segundo gehiago behar izan ditu.
ETAPAKO ETA NAGUSIKO SAILKAPENA:
1 - ROGLIC Primož (Jumbo-Visma) 0:08:32
2 - ARANBURU Alex (Astana) +0:06
3 - TRATNIK Jan (Bahrain>) +0:08
4 - SCULLY Tom (EF) +0:10
5 - CERNÝ Josef (Deceuninck) d.b.
6 - VAN BAARLE Dylan (INEOS) +0:11
7 - BAGIOLI Andrea (Deceuninck) +0:12
8 - CRADDOCK Lawson (EF) +0:13
9 - MATTHEWS Michael (BikeExchange) +0:14
10 - VLASOV Aleksandr (Astana) d.b.
26 - RODRÍGUEZ Óscar (Astana) +0:23
27 - IZAGIRRE Ion (Astana) d.b.
29 - FRAILE Omar (Astana) d.b.
34 - IZAGIRRE Gorka (Astana) +0:25
46 - BERNAL Egan (INEOS) +27
88 - LANDA Mikel (Bahrain) +39
Zure interesekoa izan daiteke
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.