2020ko Espainiako Itzuliak badu behin betiko ibilbidea
Espainiako Itzuliaren 75. edizioak badu behin betiko ibilbidea, ostiral honetan jakitera eman dutenez. Hartara, urriaren 20tik azaroaren 8ra bitartean jokatuko den lasterketak 18 etapa izango ditu.
Txirrindulariak Irundik abiatuko dira, Arrateko mendatera iritsiko den lineako etapa batekin, eta azaroaren 8an Madrilen amaituko den etaparekin emango diote bukaera 2020ko ekitaldiari.
Bi etapa aldatu dituzte, koronabirusaren osasun krisiak bultzatuta Portugalgo hirietako jardunaldiak bertan behera geratu eta gero. Horrenbestez, hamabosgarren etapan tropela Mosetik (Pontevedra) irtengo da, baina ez da Portora iritsiko, baizik eta Puebla de Sanabriara (Zamora).
Hamaseigarren etapari dagokionez, Portugalgo Viseu herritik irten behar bazen ere, azkenerako Salamancan izango du abiapuntua eta, helmuga, berriz, Ciudad Rodrigon (Salamanca).
Ibilbidean izandako aldaketa horiekin, honako hauek izango dira euskal errepideetatik zehar ibiliko diren etapak: lehena (Irun-Arrate), bigarrena (Iruñea-Lekunberri), hirugarrena (Lodosa - Laguna Negra de Vinuesa) eta zazpigarrena (Gasteiz - Gaubea).
Honako bi hauek dira Vueltako etapa berriak:
15.etapa:
16. tapa:
| 2020KO ESPAINIAKO ITZULIKO ETAPA GUZTIAK | ||||||
| ETAPA | NOIZ | IBILBIDEA | DISTANTZIA | |||
| 1.a | Urriak 20 | Irun - Arrate (Mendi ertainekoa) | 169,5 km | |||
| 2.a | Urriak 21 | Iruñea - Lekunberri (Mendi ertainekoa) | 151 km | |||
| 3.a | Urriak 22 | Lodosa - Laguna Negra de Vinuesa (Mendi ertainekoa) | 163,8 km | |||
| 4.a | Urriak 23 | Numantzia - Ejea de los Caballeros (Laua) | 190 km | |||
| 5.a | Urriak 24 | Huesca - Sabiñanigo (Mendi ertainekoa) | 185,5 km | |||
| 6.a | Urriak 25 | Biescas - Tourmalet (Menditsua) | 135,6 km | |||
| Urriak 26 | Atsedenaldia | |||||
| 7.a | Urriak 27 | Gasteiz - Gaubea (Mendi ertainekoa) | 160,4 km | |||
| 8.a | Urriak 28 | Logroño - Moncalvillo gaina (Menditsua) | 164,5 km | |||
| 9.a | Urriak 29 | Castrillo del Val - Aguilar de Campoo (Laua) | 163,3 km | |||
| 10.a | Urriak 30 | Castro Urdiales - Suances (Laua) | 187,4 km | |||
| 11.a | Urriak 31 | Villaviciosa - Farrapona gaina (Menditsua) | 170,2 km | |||
| 12.a | Azaroak 1 | Pola de Laviana - Angliru (Menditsua) | 109,2 km | |||
| Azaroak 2 | Atsedenaldia | |||||
| 13.a | Azaroak 3 | Muros - Ezaroko begiratokia (Erlojupekoa) | 33,5 km | |||
| 14.a | Azaroak 4 | Lugo - Orense (Mendi ertainekoa) | 205,8 km | |||
| 15.a | Azaroak 5 | Mos - Puebla de Sanabria (Mendi ertainekoa) | 234 km | |||
| 16.a | Azaroak 6 | Salamanca - Ciudad Rodrigo (Mendi ertainekoa) | 162 km | |||
| 17.a | Azaroak 7 | Sequeros - Alto de la Covatilla (Menditsua) | 175,8 km | |||
| 18.a | Azaroak 8 | Hipódromo de la Zarzuela - Madrid (Laua) | 125,4 km | |||
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.