Kolonbiarrak, etapa garaipenekin, lidertzekin, baina podiumetik kanpo
Amaitu da 2019ko Vuelta, eta txirrindulari kolonbiarrak protagonista izan dira, podiumean sartu ez diren arren. Hala ere, lau kolonbiar sartu dira sailkapen nagusiko lehen 20 postuetan.
Astanak taldekako erlojupekoan lortutako garaipenarekin hasi zen Espainiako Itzulia. Ondorioz, Miguel Angel Lopez izan zen 74. edizioko lehen liderra. Hala ere, 'Superman' Lopezek ezin izan zion lidertzari eutsi bigarren etapan, baina Nairo Quintanak lortu zuen etapa garaipena. Nicolas Roche jarri zen sailkapen nagusiko lehen postuan.
Liderraren elastiko gorriak kolonbiar zaporea hartu zuen bosgarren etapan. Madrazo espainiarrak lortu zuen garaipena, eta Miguel Angel Lopezek jantzi zuen liderraren maillota. Hurrengo etapan, seigarrenean, Dylan Teunsek lapurtu zion lidertza, baina 'Superman' Lopezek lehen postua berreskuratu zuen zazpigarren etapan, garaipena Alejandro Valverdek lortu zuelarik.
Bederatzigarren etapan galdu zuen maillot gorria Miguel Angel Lopezek, baina liderraren elastikoa kolonbiarren esku geratu zen, Nairo Quintanak jantzi baitzuen, Tadej Pogacarrek etapa garaipena lortu ostean.
Hamargarren etapan, ordea, banakako erlojupekoa heldu zen, eta egun zaila eta gogorra izan zen txirrindulari kolonbiarrentzat. Primoz Roglicek erakustaldia eman zuen garaipena lortuta, eta Vuelta irabazteko aukerarik gabe utzi zuen Nairo Quintana, hiru minutu galdu baitzituen. 'Superman' Lopezek ere bi minutu galdu zituen lider jarri zen Roglicekiko.
Hamazazpigarren etapari, liderrarekiko zazpi minutu baino gehiagora ekin zion Nairo Quintanak, sailkapen nagusiko hirugarren postutik urrun, baina etapako ihesaldian sartu zen, eta bost minutu berreskuratu zituen Vuelta irabazteko faboritoekiko. Horrela, Quintana sailkapen nagusiko bigarren postuan kokatu zen Roglicengandik 2'24"ra, eta hirugarren zen Valverderekiko 24 segundoko abantaila zuen. Gainera, Quintanak 1'18"ko abantaila zuen Pogacarrekiko (laugarren) eta 1'45"ekoa Miguel Angel Lopezekiko (bosgarren).
Irailaren 12an etorri zen txirrindularitza kolonbiarraren bigarren etapa garaipena. Sergio Higuitak 18. etapa irabaztea lortu zuen. Nairo Quintanak sailkapen nagusiko bigarren postua galdu zuen, eta hirugarren tokira jaitsi zen, Alejandro Valverderen mesedetan. Quintana lehen postutik 3'31"ra kokatu zen, Valverdek 41 segundo ateratzen zizkiolarik. Miguel Angel Lopez laugarren postuan zegoen, Nairorekiko 46 segundora. Quintanak 1'18"ko abantaila zeukan bosgarren postuan zen Pogacarrekiko.
Azken-aurreko etapa iritsi zen, hogeigarrena. Kolonbiak bi aukera zituen txirrindulariren bat podiumean sartzeko, Nairo Quintanarekin eta 'Superman' Lopezekin. Hala ere, Tadej Pogacar izan zen arriskatu zuena, eta faboritoetako inor ez zen gai izan esloveniarraren erritmoari eusteko. Gauzak horrela, Pogacarrek 20. etapa irabazi zuen, sailkapen nagusiko hirugarren postua bermatu zuen, eta podiumetik at utzi zituen Nairo Quintana eta Miguel Angel Lopez.
Vueltaren amaieran, lau kolonbiar sartu ziren sailkapen nagusiko lehen hogei postuetan: Nairo Quintanak laugarren postuan amaitu zuen, Miguel Angel Lopez bosgarren izan zen, 14. postua erdietsi zuen Sergio Higuitak, eta Esteban Chaves 19. izan zen. Gainera, Nairo Quintanak taldekako garaipena lortu zuen Movistarrekin.
Zure interesekoa izan daiteke
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.