Omar Fraile, oso indartsu mendiko sailkapenean
Omar Frailek (Caja Rural-Seguros RGA) 82 puntu ditu mendiko sailkapenean, Frank Schleck (Trek) bigarrenak baino 52 gehiago. Bederatzi igoera puntuagarri geratzen dira Espainiako Vueltan, eta ia zuirtatuta dauka Madrilen maillota janztea.
Azken etapan 27 puntu eskuratu zituen, ihesaldian sartuta, eguneko zazpi mendateetan puntuak lortuta eta bostetan lehenengoa izanda. 30 puntu lortu zituen Schleckek, eta bigarren postuan sartu zen. Hori, Ruben Plaza (Lampre-Merida), 27 punturekin, el Mikel Landa (Astana), 15ekin, Fraileren aurkari bakarrak dira, baina aldea nabarmena da.
Bederatzi mendate puntuagarri geratzen dira. Bost lehen mailakoak dira (La Quesera, Navacerrada, La Morcuera bi aldiz eta Cotos), bigarreneko bat (La Paramera) eta hirugarreneko hiru (Santibañez de Ayllon, El Campanario eta Valdavia). Bakar bat ere ez dago helmugan. Horrenbestez, oinarrizko puntu kopurua banatuko dira.
20. etapa, larunbatean, gakoa izango da Fraileren borrokarako. Lehenengo mailako lau mendate izango dira, eta 160 puntu eskuratuko lituzke guztietan lehenengoa denak. Ez dirudi Caja Ruralekoak hainbeste behar duenik Madrilen orbanez janzteko.
MENDIKO SAILKAPENA, 16. ETAPA
1. Omar Fraile (Caja Rural-Seguros RGA), 82 puntu
2. Frank Schleck (Trek), 30 puntu
3. Ruben Plaza (Lampre-Merida), 27 puntu
4. Mikel Landa (Astana), 25 puntu
5. Rodolfo Torres (Colombia), 22 puntu
6. Alessandro De marchi (BMC), 20 puntu
7. Pierre Rolland (Europcar), 20 puntu
8. Mikael Cherel (AG2R La Mondiale), 18 puntu
9. Jose Joaquin Rojas (Movistar), 17 puntu
19. Bert-Jan Lindeman (LottoNL-Jumbo), 16 puntu
umbo), 16 puntuZure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.