John Degenkolbek bere hirugarren etapa irabazi du esprintean
John Degenkolb alemaniarrak (Argos-Shimano) Espainiako Itzuliko zazpigarren etapa irabazi du. Huesca eta Alcañizen arteko 164,2 kilometroko etapa esprintean erabaki da. Degenkolbek irabazten duen hirugarren etapa izan da.
Txirrindulari gaztea Elia Viviani (Liquigas), Allan Davis (Orica-Green Edge), Nacer Bouhanni (Française des Jeux) eta Daniele Bennati (Radioshack-Nissan Trekk) baino azkarragoa izan da. Vueltako esprinterrik onena izaten ari da. Itzuli horretan esprintean lehiatuko diren etapen artean, hiru irabazi ditu Degenkolbek.
Sky taldea Ben Swiften alde aritu da azken kilometroetan, baina britainiarra hamargarrena izan da helmugan. Esprinterren taldeak Motorland Aragoi zirkuituko azken kilometroak kontrolatzen saiatu dira. Helmugarako 10 kilometro falta zirenean, eroriko bat izan da tropelan, eta zenbait txirrindulari atzean geratu dira. Bukaerako esprintak ez ditu sailkapen orokorrera aldaketak ekarri.
3. kilometroan, Javier Aramendia nafarrak (Caja Rural) tropeletik ihes egin du, Lechuga (Andalucia), Rabon (Omega Pharma-Quick Step) eta Linderman (Vacansoleil) txirrindulariekin batera. Eguneko ihesaldia izan da; eta ia etapa osoa buruan eman dute. Tropelako kontrolak 20 minutu falta zirenean bukatu du ihesaldiarekin.
ETAPA SAILKAPENA
1 DEGENKOLB, John ARG 3h 48' 30''
2 VIVIANI, Elia LIQ d.b.
3 DAVIS, Allan OGE d.b.
4 BOUHANNI, Nacer FDJ d.b.
5 BENNATI, Daniele RNT d.b.
6 MEERSMAN, Gianni LTB d.b.
7 VAN WINDEN, Dennis RAB d.b.
8 ROJAS, José Joaquin MOV d.b.
9 MONDORY, Lloyd ALM d.b.
10 SWIFT, Ben SKY d.b.
25 PÉREZ, Rubés EUS + 2''
SAILKAPEN OROKORRA
1 RODRIGUEZ, Joaquin KAT 25h 53' 04''
2 FROOME, Christopher SKY + 10''
3 CONTADOR, Alberto STB + 36''
4 GESINK, Robert RAB + 54''
5 VALVERDE, Alejandro MOV + 54''
6 ROCHE, Nicolas ALM + 1' 04''
7 MOLLEMA, Bauke RAB + 1' 12''
8 MORENO, Daniel KAT + 1' 17''
9 COBO, Juan José MOV + 1' 34''
10 HENAO, Sergio Luis SKY + 1' 39''
15 ANTON, Igor EUS + 2' 06''
Zure interesekoa izan daiteke
2026ko Espainako Vueltan zazpi etapa mendatean amaituko dira, eta 32 kilometroko banakako erlojupeko bat egonen da
81. Espainiako Vuelta Monakon hasiko da, abuztuaren 22an, larunbatez, eta, 21 etapa eginda, Granadan amaitu, irailaren 13an, igandez.
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.