Omar Fraile, garaile Espainiako errepideko txapelketan; Alex Aranburu, hirugarren
Omar Fraile (Astana) da Espainiako errepideko txapeldun berria, azken metroetan Jesus Herrada (Cofidis) eta Alex Aranburu (Astana) taldekidea gainditu ostean.
La Nucia Kirol Hirian hasi eta amaitu den txapelketa (184 kilometro), azken metroetan erabaki da. Bukaerako 10 kilometroetara 14 txirrindulariz osatutako taldetxo bat iritsi da Astana taldearen kontrolpean.
Fraile Alex Aranbururen alde hasi da lanean helmugarako 500 metroren faltan, gipuzkoarraren esprinta bideratzeko asmoz, baina gurpiletik atera eta garaipena eman dioten metro batzuetako abantaila eskuratzeko gai izan da. Bizkaitarraren ostean Herrada helmugaratu da, eta hirugarren Aranburu.
Lasterketa zirraraz beteta egon da hasierako unetik, eta parte-hartzaileek txirrindularitza jardunaldi eder bat eskaini dute. Hala, 14. kilometroan probak Ibon Ruiz, Xabier Azparren, Angel Fuentes, David Gonzalez eta Martorell txirrindulariek osatutako lehen ihesaldia eratu da. Haatik, azken hori atzean geratu da. Ihesaldi honek hiru minutuko aldea lortu du tropelarekiko.
Gerora, 103. kilometroan, Jon Irisarri eta Oier Lazkano Caja Ruraleko txirrindulariak laukotearekin bat egin dute. Turron mendateko bigarren igoeran, Irisarrik eta Ruizek atzean utzi dituzte gainerako iheslariak. Bitartean, atzetik tropela hautsi egin da eta Pello Bilbao (Bahrain) aurreko bikotearen atzetik abiatu da. Jaitsieran harrapatu ditu, baina tropela 20 segundora baino ez zegoen ordurako.
Tropelean, Ion Izagirrek (Astana) lasterketa tenkatu du. Horren eraginez, batetik, hainbat txirrindulari atzean geratzen hasi dira; bestetik, ihesaldia harrapatu du. Ordutik aurrera lasterketa etengabeko eraso-kontraeraso ahaleginetan bihurtu da
Azkenerako, Astana taldeak, lau txirrindulari buru zituela, helmugatik hamar kilometrora hartu du lasterketaren behin betiko kontrola Aranbururen aukeraren alde egiteko, azken 20 kilometroetako kontrol-eza alde batera utzita.
Favarako igoeran, azken 1.700 metroetan, Luis Leon Sanchezek erritmo bizia ezarri du lasterketa abiarazteko. 500 metro falta zirela bere taldekide Omar Frailek txanda hartu dio. Aranbururi bideratze-lanak egiteko ahaleginetan ibiliko zela bazirudien arren, bizkaitarraren erritmo gogorra ezin izan du inork jarraitu, eta Espainiako txapeldunaren jertsea lehen aldiz lortzea ahalbidetu dioten metro batzuetako abantaila lortu du.
Lasterketako sailkapena:
1 - FRAILE Omar (Astana) 4:48:13
2 - HERRADA Jesús (Cofidis) d.b.
3 - ARANBURU Alex (Astana) d.b.
4 - SERRANO Gonzalo (Movistar) d.b.
5 - ADRIÀ Roger (Kern Pharma) +0:03
6 - BILBAO Pello (Bahrain) d.b.
7 - OKAMIKA Ander (Burgos-BH) +0:11
8 - RODRIGUEZ Carlos (INEOS) d.b.
9 - AMEZKETA Julen (Caja Rural) d.b.
10 - GARCÍA Marcos (Kinan Cycling) d.b.
11 - DE LA CRUZ David (UAE) +0:24
12 - SÁNCHEZ Luis León (Astana) +0:28
13 - PEDRERO Antonio (Movistar) +1:28
14 - IZAGIRRE Ion (Astana) +2:09
Zure interesekoa izan daiteke
Laboral Kutxa-Euskadik igande honetan hasiko du denboraldiaurrea, Altean
2026ko denboraldiko taldea osatzen duten hamabost txirrindulariak Alacanteko udalerrian bilduko dira, abenduaren 14tik 21era bitartean.
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".