FIBA Europe Cup

2025/01/29 - 23:37

Bilbao Basketek zazpi puntuz galdu du Choleten, 82-75, eta zailago jarri zaio multzoko lider amaitzea

Bilboko taldeak estreinakoz galdu du txapelketan, azken laurdenean erabaki den norgehiagokan. Cholet zazpi puntuz gailendu da, eta, hala, bi taldeen arteko "basketaveragea" berdintuta dago, baina Frantziako taldea, puntuen arteko alde orokorrean, hobeto dabil.

2025/01/16 - 00:27

Bilbao Basketek Dinamo Sassari menderatu du, 77-60, eta FIBA Europa Kopako final laurdenetan da

Bilboko taldeak ia une oro izan du kontrolpean Dinamo Sassariren aurkako partida; halaber, Choletek Le Portelen kantxan irabazi duenez, Bilbao Basket matematikoki sailkatu da final laurdenetarako.

2025/01/08 - 23:34

Bilbao Basketek Le Portel menderatu du (74-65), uste baino gehiago sufrituta

Beltzezko gizonak 23 puntuz aurretik heldu dira atsedenaldira, baina bigarren zati txar batek urduritasuna eraman du Miribillako harmailetara. Alabaina, azkenerako etxean geratu da garaipena, eta beltzezkoek multzoko lider jarraitzen dute.

2024/12/10 - 23:51

Bilbao Basketek Cholet menderatu du, 95-88, eta balio handiko garaipena eskuratu du FIBA Europa Kopan

Bilboko taldea, txapelketako bigarren fasean jokatutako bi partidak irabazita, L multzoko lehenengo postuan dabil. Ponsarnauren taldeak Frantziako Ligan lider dabilen taldea hartu du mendean; pentsatzeko modukoa da Cholet multzoko beste faborito nagusia dela.

2024/12/05 - 10:28

Bilbao Basketek garaipena bereganatu du Sassariren kontra (89-91), eta ondo ekin dio Europa Kopako 2. faseari

Bilboko taldeak Italiakoa menderatu du 89-91eko emaitzarekin FIBA Europa Kopako bigarren faseko lehen jardunaldian. Hala, bada, talde bizkaitarrak bere 100. garaipena lortu du Europan.

2024/11/26 - 15:18

Bilbao Basketek Bilbao Arenan jokatuko ditu Europa Kopako bigarren faseko etxeko partidak

Bilboko taldeak Casillan jokatu ditu txapelketako lehen faseko etxeko neurketak; orain, ordea, azken urteetan ohiko duen kantxara itzuliko da, bigarren faseko etxeko norgehiagokak jokatzeko.

2024/11/14 - 15:19

Surne Bilbao Basketek Sardinian ekingo dio FIBA Europe Cupeko bigarren faseari, Dinamo Sassariren kontra

Beltzezko gizonek Cholet eta Le Portel Frantziako taldeak eta Sardiniako Dinamo Sassari izango dituzte aurkari. Talde bakoitzeko lehen bi sailkatuek lortuko dute final laurdenetarako txartela.

2024/11/06 - 23:49

Bilbao Basketek BC Kutaisi hartu du mendean, 91-63, eta oso indartsu jarraitzen du FIBA Europa Kopan

Jaume Ponsarnauren gizonek txapelketako fase erregularrean orain arte jokatutako bost partidak irabazi dituzte, eta lider jarraitzen dute J multzoan. Azken jardunaldian, hurrengo asteazkenean, BC Prievidzaren aurka arituko dira, eta multzoko aurreneko postua izango da jokoan.

2024/10/30 - 22:33

Bilbao Basket argi nagusitu da, beste behin, FIBA Europa Kopan, Balkan Botevgraden aurka (62-93)

Jaume Ponsarnauren gizonek txapelketako J multzoko lehen postuan jarraitzen dute, orain arte jokatutako lau partidak irabazita. Asteazkenean Bulgarian izandako neurketan, Bilbao Basketek nagusitasun handiz hartu du mendean sailkapeneko azken postuan dabilen Balkan Botevgrad.

2024/10/23 - 00:15

Bilbao Basketek BC Prievidza menderatu du, 61-84, eta partidarik galdu gabe jarraitzen du FIBA Europa Kopan

Txapelketako fase erregularreko hiru jardunaldi jokatuta, Euskal Herriko taldeak hiru garaipen ditu, denak oso argiak. Asteartean, gainera, aurreneko bi partidetan ere garaile atera den multzoko beste taldea hartu du mendean, horren etxean.

2024/10/16 - 22:31

Bilbao Basketek nagusitasunez menderatu du BC Kutaisi, 57-88, eta lider dabil FIBA Europa Kopako bere multzoan

Jaume Ponsarnauren gizonek orain arte jokatutako bi partidak irabazi dituzte, bietan alde handiz. Georgian izandako norgehiagokan, Bilbao Basketek ez du zailtasunik izan aurkaria baino hobeto aritzeko.

2024/10/10 - 12:20

Bilbao Basketek Bulgariako Balkan jipoituz hasi du FIBA Europe Cup txapelketa

Beltzezko gizonek 3.300 lagunen aurrean jokatu zuten Casillan, hasieratik ikusi izan dituen kantxan. 25 urte bete dituen honetan, omendu egin nahi izan dute pabiloia.

2024/10/08 - 14:24

Ponsarnau: ''Ilusioz ekiten diogu Europako erronkari eta pozik Casilla mitikoan jokatuko dugulako''

Jaume Ponsarnau Surne Bilbao Basketeko entrenatzaileak prentsaurrekoan hitz egin du Bilboko taldeak Balkan Botevgarden kontra urriaren 9an jokatuko duen Europe Cupeko partidari buruz. Casillan jokatuko du Bilbao Basketek. (adierazpenak gaztelaniaz)

2024/10/02 - 14:42

Bilbao Basketek Casillan jokatuko ditu Europe Cup txapelketako partidak

Surne Bilbao Basketek Casillako pabilioian jokatuko ditu FIBA Europe Cupeko lehen faseko etxeko partidak. Isabel Iturbe klubeko presidenteak iragarri du lehen faseko neurketak Casillan jokatuko dituela Bilboko taldeak. Gaineratu du, taldeak aurrera eginez gero, aztertuko dutela han jarraitzea.

2024/09/27 - 23:54

Bilbao Basketek FIBA Europe Cup txapelketa jokatuko du, Neptunas nagusitasunez kanporatuta

Itzuliko partidaren hasieran, Lituaniako taldeak ezustekoa eman du, eta aurretik jarri da. Alabaina, bigarren laurdenean, Bilbao Basketek markagailua irauli du, eta hortik aurrera jaun eta jabe izan da neurketa osoan (95-59).

2024/09/24 - 22:16

Bilbao Basketek zortzi puntuz gainditu du Neptunas, 66-74, eta gertuago du FIBA Europe Cupeko fase erregularra

Jaume Ponsarnauren gizonek ostiralean ziurtatu beharko dute txapelketako fase erregularrerako txartela, aurkari beraren kontra, sailkatze kanporaketako itzuliko partidan.

2024/07/19 - 15:48

Neptunas Klaipeda lituaniarra da Bilbao Basketen aurkaria, FIBA Eurocupeko atarikoan

Joaneko partida Lituanian jokatuko dute irailaren 24an, eta itzulikoa, berriz, Bilbon irailaren 27an.

2024/04/04 - 02:06

Bilbao Basketek finalerdiko itzuliko partida irabazita esan dio agur FIBA Europe Cup txapelketari (73-82)

Jaume Ponsarnauren gizonek ezin izan dute irauli Niners Chemnitzek joaneko partidan erdietsitako emaitza; izan ere, Miribillan, Bizkaiko taldearen aurkariak 25 puntuko aldea erdietsi zuen. Hala ere, beste garaipen bat lortu du Bilbao Basketek, eta, horrenbestez, amaiera egokia eman dio txapelketari.

2024/03/28 - 00:07

Bilbao Basketek ezin izan du bigarren zatian, Miribillan, gehiago izan den Niners Chemnitz aurkari (73-98)

Bilboko taldeak 14 puntuko aldea ere izan du, aurreneko bi laurdenetako hainbat unetan; markagailua 43-29 zihoanean, baina, Alemaniako taldea suspertu egin da, eta bikain jokatu du amaierara arte. FIBA Europe Cupeko finalerdia, hala, oso zail jarri zaio Bilbao Basketi.