Bilbao Basketek Luke Petrasek hegal-pibota fitxatu du, 2025-26 denboraldirako
Surne Bilbao Basketek Luke Petrasek hegal-pibota fitxatu du, 2025-26 denboraldirako, Bilboko klubak iragarri duenez. Bizkaiko taldeko jokalari berriak 29 urte ditu, eta 2,08ko altuera; estatubatuarra da, eta Poloniako selekzioarekin internazional. Poloniako Ligako Anwil Wroclaweketik iritsi da Bilbora; lau denboraldi eman ditu bere azken taldean, eta azkenean, alegia, 2024-25 denboraldian, partidako, batez beste, 11,1 puntu sartu eta 5,2 errebote harrapatu zituen.
Petrasek NCAAn aritu da, eta, Europan, Alemaniako eta Errusiako txapelketetan, Polonian ibili aurretik. Rafa Pueyo Bilbao Basketen kirol zuzendariaren esanetan, "puntuak sartzeko gaitasuna duen hegal-pibota da, hiru puntuetako lerrotik eta saskitik gertu ere; ehuneko onak dituen jaurtitzailea da, jaurtiketa irekietan lortu ahal ditu saskiratzeak, eta blokeotik irtenda ere", nabarmendu du.
Pueyok, halaber, uste du ondo jokatzen duela "baloirik gabe", eta pistan ondo egiten duela korrika: "Horregatik da eraginkorra saskitik hurbil". Kirol zuzendariaren ustez, "errebotean eta defentsan ere lagunduko du, tapoiak jartzeko trebea baita; pozik gaude fitxaketa egin izateagatik, taldeari kalitatea eta esperientzia ekarri dizkiogulako", adierazi du.
Petrasek Bilbao Basketen hirugarren fitxaketa da, Justin Jaworski eskolta eta Darrun Hilliard hegalekoa baieztatuta. Gainera, euskal taldeak bermatuta du Melwin Pantzar joko antolatzaileak jarraitu egingo duela, Unicajak utzita, eta Bassala Bagayoko eta Tryggvi Hlinason pibotak ere taldean izango direla.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.