Bilbao Basketek Ligako bigarren garaipena lortu du Zaragozaren aurka
RETAbet Bilbao Basketek Tecnyconta Zaragozari irabazi dio Miribillan (77-72), Endesa Ligako 4. jardunaldian, eta txapelketako bigarren garaipena lortu du.
Lehenengo garaipena izan da etxean, eta Fuenlabradaren aurkako debutean baino irudi hobea eskaini du, baina ez Real Madrilen kontra eta beste bi garaipenetan —Real Betis eta Lietuvos Rytasen aurka— erakutsitakoa bezain bikaina.
Jonathan Tabuk eta Axel Hervellek osatutako konexioa gakoa izan da. Azken bost minututan markagailuari buelta ematea lortu dute, Tecnyconta Zaragoza on baten kontra. Joko-banatzailea eta ala-pibotaren artean azken bost minutuetan partida irauli duten 15 puntuetatik 12 egin dituzte.
Tabu partida osoan zehar (17 puntu, 5 asistentzia eta 19 puntuko balorazioa) eta Hervelle bukaeran (7) nabarmentzeko modukoak dira, baina baita Mickell Gladness (8, 8 eta 17), Alex Mumbru (10, 8 eta 14) eta, aldizka, Dejan Todorovic (11) eta Tim Kempton (7) ere.
Tecnyconta, onenak izan dira Jarvis Varnado (12, 8, 3 txapel eta 20), Tomas Bellas lehen laurdenean (13) eta Janis Blums (13). Azken horrek Miribillaren omenaldia jaso du, eta bere bolada onari esker jarri da kanpoko taldea aurretik, Bilbao Basketen erantzuna baino lehen.
FITXA TEKNIKOA
RETAbet Bilbao Basket: Tabu (17), Todorovic (11), Tomas (4), Hervelle (7) y Gladness (8) -hasierako boskotea-, Fischer (5), Redivo (6), Hammink (2), Mumbru (10), Kempton (7) eta Vucetic.
Tecnyconta Zaragoza: Bellas (13), Neal (9), Barreiro (5), Dragovic (4) y Varnado (12) -hasierako boskotea-, Sergi Garcia (5), Blums (13), Michalak (1), Suarez (6), Mazalin (2) eta Triguero (2).
Partzialak: 18-25, 20-10, 16-18 eta 23-19.
6-18 eta 23-19.Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.