Randolphek Bilbao Basketen garaipena eragotzi du (80-87)
Anthony Randolphek Miribillako galdara hoztu du ostegun honetan; izan ere, Bilboko zaleek bere taldea airean eraman dute azken uneraino, baina, azkenean, RETAbet Bilbao Basketek men egin behar izan du Real Madrilen indarraren aurrean (80-87), 30 minutu baino gehiago markagailuan aurretik eman ostean.
Randolph hegaleko pibot estatubatuarraren partida (26 puntu, 9 errebote, 2 txapel, eta 15 jaurtiketatik 11 saskiratze, biko jaurtiketetan) izan da Real Madrilek erabili duen argudio nagusia une oro lehian aritzeko, eta, azken txanpan, Pablo Lasorenek bere alde erabaki dute partida oso erakargarria izan dena.
Azken txanpa horretan, ordura arte Randolphek egindako lan bikainari Luka Doncic (13 puntu eta 5 errebote), Facundo Campazzo (11 puntu eta 5 asistentzia) eta Gustavo Ayon (8 puntu eta 4 errebote) batu zaizkio partida irauli duen 0-13ko partziala egiteko. Hiru minutu eta erdian, markagailuan 68-64ko emaitza izatetik 68-77koa izatera igaro da, eta orduan eraiki du Madrilek bere garaipena Bilbao Basket oso lehiakor baten aurrean. Gaurkoak Fuenlabradan jasotako porrot argia ahazteko balio izan die bilbotarrei.
Carles Duranen jokalariek estu hartu dituzte madrildarrak, eta batez ere hasierako bostekoak denbora luzez egin du amets garaipenarekin. Axel Hervelle izan da beltzezko gizonen arteko onena (13 puntu eta 6 errebote), eta Dejan Todorovic (15 puntu), Mickell Gladness (8 puntu, 6 errebote eta 2 txapel), Pere Tomàs (11 puntu eta 5 errebote) eta Jonathan Tabu (8 puntu eta 11 asistentzia) jokalariek ere lan ona egin dute.
Partida hasi baino lehen, pabiloia hustu egin behar izan dute, ke-erauzgailu batean sua piztu eta kea zabaldu baita, baina berehala itzuli da egoera bere onera.
Fitxa teknikoa:
RETAbet Bilbao Basket: 80 (28+17+17+18): Tabu (8), Todorovic (15), Tomàs (11), Hervelle (13) eta Gladness (8) —hasierako bostekoa—, Fischer (6), Redivo (14), Hammink, Mumbrú (4) eta Kempton (1).
Real Madril: 87 (20+23+17+27): Campazzo (11), Casseur (6), Doncic (13), Thompkins (3) eta Ayón (8) —hasierako bostekoa—; Carroll (7), Rudy Fernández (4), Taylor (5), Randolph (26), Kuzmic (2), Reyes (2) eta Yusta.
Epaileak: Daniel Hierrezuelo, Juan de Dios Oyón eta Pedro Munar. Ez dute inor kanporatu.
Zure interesekoa izan daiteke
Surne Bilbaok garaipen sendoa lortu du Hiopos Lleidaren aurka Miribillan (93-75)
Beltzezko gizonek nagusitasunez irabazi dute, markagailua oso parekatuta joan bada ere, etxekoek oso indartsu amaitu baitute partida.
Surne Bilbaok sendo ekin dio txapelketako bigarren faseari, Sportingi irabazita (94-79)
Jaume Ponsarnauk zuzentzen duen taldea sufritu du partidako hainbat fasetan, baina ia beti aurretik egon da markagailuan. Garaipen garrantzitsua lortu dute beltzezko gizonek.
Surne Bilbaok Sporting CPren aurka hasiko du FIBA Europa Kopako bigarren fasea, asteazkenean, Miribillan
Bigarren faseko lehen partida hau, EITBk zuzenean emanen duena, 18:30ean hasiko da. PAOK Salonika eta Prievidza izanen dira euskal taldearen multzoa osatuko duten taldeak.
Pantzarrek eta Jaworskik gidatu dute Surne Bilbaoren garaipena Kanaria Handiaren aurka (79-72)
Melwin Pantzarrek eta Justin Jaworskik gidatu dute igande honetan Miribillan Surne Bilbaoren garaipena Dreamland Kanaria Handiaren aurka (79-72). Bizkaitarrek datorren Errege Kopan parte hartzeko anbizioa dute.
Greziako PAOK, Eslovakiako Prievidza eta Portugaleko Sporting, Surne Bilbaoren aurkariak, bigarren fasean
Beltzezko gizonek Sporting Portugalen aurka jokatuz ekingo dio FIBA Europa Kopako bigarren itzuliari, abenduaren 10ean, etxean.
Surne Bilbaok Kutaisi jipoitu du Miribillan, eta multzoko buru dabilela, sailkapena lortu du (117-54)
Gainera, beltzezko gizonek klubaren historiako saskiratze-marka berriz hautsi dute.
Surne eta Bilbao Basket, elkarrekin 2031ra arte
Kontratua berrituta, taldearen izena Surne Bilbao izanen da aurrerantzean.
Surne Bilbao Basketek taldeko lehen postua ziurtatu nahi du Kutaisi 2010en aurka
Kutaisiren aurkako norgehiagoka zuzenean izango da ikusgai, 20:00etatik aurrera, bai eitb.eus-en bai ETB4n.
Bilbao Basketek galdu egin du Real Madrilen aurka, lehiakor aritu bada ere (82-70)
Surne Bilbao Basketek gogor egin dio aurre Real Madrili Movistar Arenan, baina azken laurdenean indarrak ahitu zaizkio, eta, azkenean, 82-70 galdu du.
Bilbao Basketek berriz irabazi dio Brnori (115-100), eta multzoko lehen postua lortzeko pauso bakarra behar du
Bilbotarrek aise irabazi diete txekiarrei berriro, baina Brnok bizkaitarrak zertxobait estutu ditu une batzuetan. Surne Bilbao Basketek bere saskiratze marka hautsi du berriro gaurko norgehiagokan.