Denboraldi amaieran erretiroa hartuko duela iragarri du Alex Mumbruk
Alex Mumbru Bilbao Basketeko kapitaina erretiratu egingo da denboraldi honen amaieran, hau da, hogei urte baino gehiagoren ondoren, saskibaloian profesionalki jokatzeari utziko dio. Azken bederatzi urteak Bilboko taldean eman ditu.
Hala eman du jakitera Mumbru berak Bilbao basketek bere iturri ofizialen bidez zabaldu duen elkarrizketa batean.
"Denbora asko daramat kontu hori buruan. Nire erara egin nahi nuen, eta mailarik gorenean lehiatzen. Aurtengoa izango da profesionalki arituko naizen azken denboraldia", adierazi du jokalari katalanak.
Joan zen ekainaren 12an 38 urte bete zituen Mumbruk gaineratu duenez, aurtengo denboraldirako duen nahia "une oroz gozatzea" da, "saskiratze bakoitzaz, pista barruan emandako bote bakoitzaz eta nire taldekideekin emandako pase bakoitzaz".
Joan zen ekainaren 12an 38 urte bete zituen Mumbruk gaineratu duenez, aurtengo denboraldirako duen nahia "une oroz gozatzea" da, "saskiratze bakoitzaz, pista barruan emandako bote bakoitzaz eta nire taldekideekin emandako pase bakoitzaz".
"Nire taldeak ahalik eta denboraldi onena egin dezala laguntzen saiatuko naiz. Miribillari eta saskibaloiari agur esan nahi diet. Urtebete daukat apurka-apurka egin ahal izateko. Ahalik eta politena izan dadila ahaleginduko gara", erantsi du Bartzelonako jokalariak.
Denboraldi hau hasi aurretik (Bilbao Basketek larunbatean ekingo dio Madrilen, Fuenlabradaren aurka) bera da Bilboko taldean ACBn partida eta minutu gehien jokatu dituen jokalaria. ACB txapelketan ere ohorezko postuetan ari da sailkapen historikoei begiratuta: 11. puntuetan, 7. jokatutako partida eta minutuetan, 3. hirukoetan, 16. erreboteetan, 26. asistentzietan eta 32. lapurtutako baloietan.
Nahiz eta Bilbon dagoela ez duen lortu kirol garaikurrik, Mumbruk arrasto handia utziko du erretiratzen denean, bertako buruetako bat izan baita klubeko unerik garrantzitsuenetan: bai garai onetan (2010-2011n ligako txapeldunorde izan ziren eta hurrengo denboraldian Euroligan aritu zen Bilboko taldea), bai txarretan (taldea desagertzeko zorian egon zen 2014an).
"Bilbo nire etxea dela sentitzen dut. Denbora asko da hemen nagoela. Nire seme-alabak Bilbon jaio ziren, euskaraz hitz egiten dute, eta erabat integratuta sentitzen naiz, jendeak hala sentiarazten nauelako. Toki batean maitatua zarenean, bertakoa zarela sentitzen zara, eta nik atsegin dut Bilboko parte sentitzea", nabarmendu du Mumbruk aipatu elkarrizketan.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.