Bilbao Basketek Herbalifen aurka galdu du eta ia agur esan dio Kopari
RETAbet Bilbao Basketek porrota jaso du Herbalife Gran Canariaren aurka (68-82) eta are zailago du Gasteizen jokatuko den 2017ko Errege Koparako txartela lortzea.
Partida parekatuta hasi da, bi taldeetako batek ere ez du markagailuan alde egitea lortu lehen laurdeneko azken txanpara arte. Orduan lortu du Herbalife Gran Canariak markagailuan zuloa irekitzea eta zortzi puntuko abantaila eskuratu du (14-22). Ondoren, Bilbao Basketek erreakzionatu egin du, eta lehen hamar minutuak bisitarien aldeko 22-27ko emaitzarekin bukatu dira. Bigarren laurdenaren erdialdera arte Herbalife izan da nagsui eta norgehiagoka kontrolpean izan du, baina RETAbet Bilbao Basketek bere jokoa hobetu du atsedenaldira iritsi orduko eta bi puntuko desabantailarekin joan da talde bizkaitarra atsedenaldira (44-46).
Bi taldeek oso gaizki ekin diote norgehiagokari atsedenalditik kantxara itzuli ostean. Hirugarren laurdeneko azken minutuetara arte partida berdinduta egon da, baina Herbalife Gran Canaria hobea izan da laurdenaren azken txanpan eta bederatzi puntuko abantilarekin ekin dio azken laurdenari (52-61). Amaierarako 6 minutu eta 10 segundo falta izan direnean RETAbet Bilbao Basket aurkariarekiko sei puntura gerturatu da (60-66) eta garaipena lortzeko esperantza izan du talde bizkaitarrak, baina Herbalife Gran Canaria nagusi izan da azken bost minutuetan eta gehiegi sufritu gabe, irabaztea lortu du (68-82).
Fictxa teknikoa:
68 - RETAbet Bilbao Basket (22+22+8+16): Tabu (4), Lapornik (7), Mumbrú (19), Hervelle (15) eta Buva (11) -hasierako bostekoa-; Borg (1), Llorente, Bamforth (2), Todorovic (2), Eric (4), Salgado (3), Vucetic.
82 - Herbalife Gran Canaria (27+19+15+21): McCalebb (12), Pauli (7), O'Neale (11), Baez (4) eta Pasecniks (8) -hasierako bostekoa-; Oliver (5), Kuric (12), Rabaseda (4), Aguilar (7), Hendrix (5) eta Hollins (7).
Partzialak: 22-27, 44-46 (atsedenaldia); 52-61 eta 68-82 (amaiera).
Epaileak: Emilio Perez Pizarro, Fernando Calatrava eta Jordi Aliaga.
liaga.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.