Bilbao Basketek kale egin du Fuenlabradaren aurka
Dominion Bilbao Basketek 79-75 galdu du Fuenlabradaren aurka Endesa Ligako bederatzigarren jardunaldiko partida eta bigarren porrota jarraian jaso du ligan. Norgehiagoka parekatua izan da, baina azken segundoetan erabaki da irabazlea.
Partidako lehen minutuak oso parekatuak izan dira. Talde bietako batek ere ez du markagailuan alde handirik lortu, baina lehen laurdeneko azken minutuetan, etxeko taldea nagusi izan da. Ondorioz, Montakit Fuenlabradak 8 puntuko abantaila lortu du lehen hamar minutuen amaieran (27-19). Bigarren laurdenaren hasieran ere etxeko taldea izan da nagusi eta Fuenlabradak bederatzi puntuko aldea lortu du. Bilbao Basket ezinean ibili da bigarren laurdenaren azken txanpara arte, baina atsedenaldira iritsi aurretik erreakzionatu egin dute. Pixkanaka, aldeak murrizten hasi dira, eta desabantaila hiru puntura murriztea lortu dute (42-39).
Hirugarren laurdenean, Montakit Fuenlabrada jaun eta jabe izan da. Etxeko taldeak Bilbao Basketek baino askoz hobeto jokatu du, eta markagailuan abantaila garrantzitsuak lortzen hasi da. Laurden honetan Dominion ez da aurkariaren jokoari erantzuteko gai izan, eta Montakit Fuenlabradaren aldeko 60-49ko emaitzarekin bukatu da hirugarren laurdena.
Bilbao Basketen erantzuna, ordea, azken laurdenean etorri da. Dominionek bikain ekin dio laurden erabakiorrari eta lehia parekatzea lortu du. Amaierarako hiru minutu falta zirenean, Dominionek aurrea hartu du markagailuan (67-68). Partidaren azken txanpa oso eroa izan da. Norgehiagoka amaitzeko 50 segundo falta izan direnean, lehia berdinduta egon da 71-71ko emaitzarekin. Fuenlabradak hobeto jokatu ditu azken jabetzak eta partida irabaztea lortu du (79-75).
Fitxa teknikoa:
79 - Montakit Fuenlabrada (27+15+18+19): Tabu (8), Urtasun (11), Paunic (17), Wear (5), Sobin (10) -hasierako bostekoa-, Stevic, Popovic (19), Uriz (5), Scott eta Smits (4).
75 - Dominion Bilbao Basket (19+20+10+26): Hannah (15), Bertans (9), Mumbru (15), Suárez (4), Bogris (10) -hasierako bostekoa-, Mendia (3), Lopez (14), Ruoff, Todorovic (3), Borg eta Aboubacar (2).
Epaileak: Cortes, Peruga eta Sanchez.
nchez.
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.