Bilbao Basketek erakustaldia eman du FIATC Joventuten aurka
Gescrap Bizkaiak garaipen garrantzitsua lortu du, Miribillan FIATC Joventuti jipoia emanda (80-62). Talde beltzak erakustaldia eman du erasoan eta defentsan, eta atsedenaldiaren ostean norgehiagoka erabakita utzi du.
Bilboko taldeak partida intentsitatearekin hasi du, eta Mumbruk ederki gidatu du taldearen erasoa (18-8). Fotis Katsikarisen mutilek erraz agindu dute kantxan, eta Miribillako zaleek Gescrap Bizkaiaren saskiratzeekin gozatua hartu dute (25-9).
Bigarren laurdenean FIATC Joventutek erasoan gehiago sakatu du, baina Bilbao Basketek ondo erantzun du Zisisek eta Moermanek lortutako puntuekin (36-19). Talde beltzak gogor defendatu du bere saskia, eta taula azpian sendo jokatu dute. Atsedenaldian, 48-25 markagailuan goitik izan dira Katsikarisen mutilak.
Atsedenaldiaren ostean, FIATC Joventutek Tony Gaffneyren puntuekin markagailuan aldea murriztu du, baina Badalonako taldeak ezin izan du Gescrap Bizkaiaren defentsa senoda gainditu (59-36). Katsikarisen taldeak buru hotz mantendu du, eta hirugarren laurdena 61-43koarekin bukatu da.
Azkenengo laurdenean Bilbao Basketek erasoan berriro gogor sakatu du, eta intentsitate handiagoarekin jokatu du. Maldonadoren mutilek ezin izan dute markagailua irauli, eta Miribillak bere taldearekin gozatu ederra hartu du (80-62).
- Fitxa teknikoa.
80 - Grescrap Bizkaia (25+23+13+19): Zisis (14), Vasileiadis (2), Mumbru (14), Hervelle (2) eta Lamont Hamilton (12) -hasierako bostekoa-; Grimau (18), Pilepic (5), Moerman (7), Rakovic (6), Samb (-) eta Sergio Sanchez (-).
62 - FIATC Joventut (9+16+18+19): Fisher (11), Ventura (2), Enhambe (4), Gaffney (14) eta Kuzmic (4) -hasierako bostekoa-; Oliver (3), Barrera (8), Quezada (7), Trias (-), Savane (5) eta Llovet (4).
Partzialak: 25-9, 48-25 (atsedenaldia); 61-43 eta 80-62 (bukaera).
Zure interesekoa izan daiteke
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Surne Bilbaok finalerako sailkapena bideratu du, Hungarian Szombathely 81-98 mendean hartuta
Norgehgiagoka hasiera nahiko eskas baten ostean, beltzezko gizonek norabidea zuzendu dute, eta azken hiru laurdenetan nagusi izan dira. Ponsarnauren mutilek 17 puntuko errenta lortu dute Miribillako itzulerako neurketari begira.
Surne Bilbaok FIBA Europe Cupeko finalerako sailkatu nahi du, asteazkenean, Hungrian, Szombathelyren aurka
Partida 18:00etan hasiko da, eta kirolakeitb.eus eta ETB1ON bitartez emanen da, zuzenean.
Ponsarnau, Surne Bilbaorekin 2029ra arte berritu ondoren: “Bilbo nire etxea da, zalantzarik gabe"
"Esaten didate Bilbok mesede egiten didala, ez dakit txuletoiengatik izango ote den", adierazi du Kataluniako prestatzaileak, txantxetan. Ponsarnauk adierazi duenez, proiektuaren jarraipena "aurrerapauso bat ematera" bideratuta dago.
Surne Bilbaok porrot egin du Murtziaren aurka hiruko jaurtiketen ondorioz (100-81)
Surne Bilbaok 100-81eko emaitzarekin galdu du UCAM Murtziaren aurka Endesa Ligako 24. jardunaldian. Aurkariaren defentsako lan ona eta Sito Alonsoren taldeak hirukoetan asmatu ez izana funtsezkoak izan dira partida erabakitzeko.
Surne Bilbaori buruzko dokumentala aurkeztu dute
Gaur arratsaldean estreinatu da Bilboko BBK aretoan. Marc Ramon eta Alejandra Llambres errealizadoreak taldearekin izan ziren Lleidaren aurka jokatu bezperako astean.
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.