Baskonia
2025/10/17 - 22:02
8.000 euroko isuna jarri diote Querejetari, epaileekiko errespetu faltagatik
Gasteizko taldeko burua aldageletara jaitsi zen Damir Javor, Luka Kardum eta Huseyin Celik epaileengana.
2025/10/16 - 13:05
Baskoniak Paris Basketball taldearen etxean galdu du, 105-87, eta garaipenik gabe jarraitzen du Euroligan
Frantziako taldea neurketa osoan zehar ibili zen aurretik markagailuan, baina euskal taldeak azken laurdenean ere izan zen irabazteko lehian. Trent Forrest lesionatu egin zen, eta bigarren zatian ezin izan zuen jokatu, eta Markus Howardek ere izan zituen arazo fisikoak.
2025/10/13 - 11:05
Trent Forrest Baskoniako jokalaria, Endesa Ligako 2. jardunaldiko onena
Horrez gain, jaurtiketa libreen marka hautsi du ACB ligan, hutsik egin gabe, Real Madrilen aurka saskiratutako 19 jaurtiketei esker.
2025/10/13 - 00:03
Baskoniak handikiro irauli du Real Madrilen kontrako norgehiagoka (105-100)
Partida kaskar hasi arren (18-34), Gasteizko taldea aldea murrizten joan da pixkanaka, eta gainerako hiru laurdenetan nagusitu da. Hortaz, Endesa Ligako bigarren jardunaldian garaipena lortu du.
2025/10/10 - 01:06
Baskoniak azken segundoan galdu du Panathinaikosen aurka, Gasteizen (84-86)
Paolo Galbiatiren gizonek eskura izan dute luzapena, partidako azken minutuetan markagailua bikain irauli eta gero, baina, azken jokaldian, Kendrick Nunnek eman dio garaipena Greziako taldeari.
2025/10/05 - 22:53
Baskoniak Zaragozaren aurka galdu du Ligako lehen partida (107-88)
Baskoniak 107-88 galdu du Zaragozaren aurka jokatu duen Endesa Ligako lehen jardunaldian. Ondo hasi du partida Gasteizko taldeak, baina bigarren laurden txarrak partidaren gidoia aurreratu du.
2025/10/04 - 00:32
Baskoniak huts egin du ASVELen aurka ere (102-95)
Euskal taldeak laurden eta erdi iraun du Euroligako bigarren jardunaldian norabidea galdu aurretik.
2025/10/01 - 01:05
Baskonia azkenera arte lehiatu da, baina galdu egin du Olympiakosen aurka
Gasteizko taldeak partida serioa jokatu du Europako debutean eta markagailua irauli du hasiera kaskar baten ondoren, baina ez du garaipena ixtea lortu; Olympiakosek eraginkorrago jokatu du eta.
2025/09/29 - 23:20
Galbiati: ''Taldean dagoen kimika eta energia izugarriak dira''
Baskoniaren entrenatzaileak, Euroligan debuta egin aurretik, esan du "ezberdin" jokatu behar dutela esan du, joko proposamenari buruz. Italiarra lehiaketa kontinentalean egingo du estreinakoa, bere ikasle gehienak bezala.
2025/09/21 - 19:14
Baskoniak Markquis Nowell joko-antolatzailea fitxatu du 2027ra arte
Nowellek 25 urte ditu eta AEBko bigarren mailatik dator, G-League ligatik. Bertan, saskiratzeko eta pasea emateko duen gaitasunagatik nabarmendu da.
2025/09/16 - 22:02
Matteo Spagnolo: ''Hobetzeko, Baskonia da eman behar dudan urratsa''
Baskoniak, asteartean, Matteo Spagnolo aurkeztu du, hau da, 2025-26 denboraldirako egin duen fitxaketetako bat. Spagnolok adierazi du oso pozik dagoela Baskonian egoteagatik, eta nabarmendu du Paolo Galbiati dela entrenatzailea.
2025/09/08 - 23:53
Rafa Villar: ''Zaila da Baskoniaren moduko klub bati ezezkoa ematea''
Baskoniak, astelehenean, 2025-26 denboraldian izango duen jokalari berrietako bat aurkeztu du: Rafa Villar. Joko-antolatzaile kataluniarrak nabarmendu du "gogo bizia" duela Buesa Arenan jokatu eta zaleekin izateko.
2025/09/02 - 15:47
Galbiatik anbizio eta nortasun handiko Baskonia sortu nahi du
Baskoniak Paolo Galbiati entrenatzailea aurkeztu du. Teknikari italiarrak klubaren historia goraipatu du. Horrez gain, nortasun eta anbizio handiko taldea eratu nahi duela nabarmendu du.
2025/08/27 - 18:59
Baskoniak denboraldiaurreari ekin dio
Baskonia 2025-2026 denboraldia prestatzen hasi da. Abuztuaren 27an ekin dio denboraldiaurreari. Endesa Ligan goialdean egotea, Errege Koparako sailkatzea eta Euroligan iaz baino maila hobea ematea ditu helburu Gasteizko taldeak.
2025/08/21 - 17:15
Rodions Kurucsek ez du Eurobasket lehiaketa jokatuko, lesioa du ezker oinean
Letoniako jokalariak selekzioaren kontzentrazioa utzi du eta Gasteizera itzuli da, errekuperazio prozesuari ekiteko.
2025/08/18 - 13:38
Baskoniak Mamadi Diakite fitxatu du
Jokalari ginearrak datozen bi denboraldietarako kontratua sinatu du, talde arabarrak astelehen honetan iragarri duenaren arabera.
2025/08/08 - 19:59
Baskoniak ofizial egin du Pablo Lasoren irteera eta Paolo Galbiati ordezkoaren etorrera iragarri du
Urtebetez entrenatzaile lanetan egon ondoren, Lasok Gasteizko taldearen entrenatzaile izateari utzi dio. Galbiatik, berriz, bi denboraldirako sinatu du.
2025/08/07 - 13:46
Hamidou Diallo, Baskoniako jokalaria hurrengo bi denboraldietarako
Eskolta postuan jokatzen du, estatubatuarra da, 27 urte ditu eta 1,99 metro neurtzen du. NBAn 250 partida baino gehiago jokatutakoa da.
2025/08/05 - 15:34
Baldwinek Baskoniako jokalaria izateari utzi dio
Jokalari estatubatuarrak denboraldi bat eman du Gasteizko taldean. Guztira, 44 partida ofizial jokatu ditu Baskoniarekin.
2025/07/28 - 17:34
Baskoniak Matteo Spagnolo fitxatu du, hurrengo hiru denboraldietarako
22 urteko base italiarrak 17 urte zituela debutatu zuen ligan, eta Alemaniako Alba Berlin taldean ibili da.