Zabaleta-Gamindek erakustaldia eman dute Aldai-Mendizabalen aurka (13-22)
Zabaleta-Gaminde bikoteak binakakoan eta Miriam Arrillagak Lau t'erdikoan "Plazandreak" saioko hirugarren edizioko euren lehen garaipenak lortu dituzte.
Bigarren jardunaldia binakako neurketak abiatu du; bertan, Amaia Aldai eta Nora Mendizabalek Goiuri Zabaleta eta Enara Gaminde izan dituzte aurkari, Bilboko Esperantza pilotalekuan jokatutako partidan. Aldaik eta Mendizabalek garaipen bat dute jada, lehen jardunaldian lortutakoa, eta bigarren bat lortuz gero, finalerako txartela lortuko zuketen. Baina ez da horrelakorik gertatu.
Zabaleta eta Gaminde gazteak (15 eta 17 urte, hurrenez hurren) bikote sendoa osatzen dutela erakutsi dute, eta elkarrekin ondo baino hobeto konpontzen direla. Markagailuan aurretik izan dira lehenengo tantoetatik, 1-6ko aldea zabalduta. Partidak ildo horretatik jo du, bukaera arte.
Goiuri Zabaleta izan da norgehiagokako izarra, zalantza barik. Leitzakoak erakustaldia eman du aurreko koadroetan, Amaia Aldai alde batetik batera mugituz: dejadak, zabalera jokatutako pilotak… nafarra amesgaiztoa izan da aurkarientzat.
Gorriei dagokienez, Aldai pilota askotara sartu da, bere atzelaria babesten saiatzeko, baina horrek akats asko egitera eraman du bizkaitarra. Aurrean zirrikiturik izan ez duen bikotea izan dutela kontuan izanda, partida oso maldan gora jarri die horrek.
Atzeko koadrotan, berriz, Nora Mendizabalek ahal duena egin zu Enara Gaminderen aurka. Laukiztarra egungo atzelaririk onena dela erakutsi du beste behin.
Horrela, bikote urdinak alde erosoa izan du markagailuan denbora guztian: 3-7, 4-11, 7-14, 9-21… Gorriek emaitza nolabait itxuratzea lortu dute azken tantoetan 4 eta 0eko partziala eginda.
53 minutu eta 466 pilotakada jokatuta, garaipena Zabaletak eta Gamindek lortu dute, 13-22, "Plazandreak"eko hirugarren edizio honetan lortzen duten lehena.
Lau T'erdikoa
Lau T'erdiko partidan, Maddalen Etxegarai eta Miriam Arrillaga gipuzkoarrak aritu dira nor baino nor gehiago. Arrillaga, ekitaldi honetan lehiatzen ari diren lau pilotarien artean atzelari bakarra, bere kolpea erabili du hasperen batean 1-9 aurreratzeko.
Baina Aginagakoak garaipen erraza lortuko zuela ematen zuenean, Etxegaraik erreakzionatu egin du eta bi tantora jarri da (7-9). Hala ere, Arrillagak bere jokoari eutsi dio eta 12-18 gailendu da, 47 minuturen ostean. Arrillagaren lehen garaipena da aurtengo edizioan.
Zure interesekoa izan daiteke
''Plazandreak'' saioko txapeldunak, pozarren eta etorkizunari begira
Ibarrola eta Gaminde, binakakoan, eta Erasun, lau t'erdikoan, dira 2025eko "Plazandreak" saioko txapeldunak, igandeko finaletan irabazita. Hirurak oso pozik agertu dira lortutakoarekin.
Ibarrola eta Gaminde, binakakoan, eta Erasun, lau t’erdikoan, 2025eko "Plazandreak" saioko txapeldunak
Astelehenean jokatu dituzten finaletan, Aizane Ibarrolak eta Enara Gamindek Goiuri Zabaleta eta Nora Mendizabal menderatu dituzte, 6-22, eta Txaso Erasun Amaia Aldairi gailendu zaio, 9-18.
2025eko ''Plazandreak'' saioko lau t'erdiko finaleko azken tantoa: Aldai vs Erasun (9-18)
Itxaso Erasun da txapelduna, "Plazandreak" saioko laugarren ekitaldian, lau t'erdian; finalean, Amaia Aldairi gailendu zaio, 9-18.
Honela jaso dituzte txapelak 2025eko ''Plazandreak'' saioko irabazleek
Aizane Ibarrolak eta Enara Gamindek, binaka, eta Itxaso Erasunek, lau t'erdian, "Plazandreak" saioko laugarren ekitaldia eskuratu dute; Erasunek, gainera, Pelotari Onena Saria ere lortu du.
Itxaso Erasun: ''Ametsetan bezala nago; estrategia zen bizi jotzea, mina egiteko''
"Plazandreak" saioko lau 'erdiko txapelduna, finalean Amaia Aldairi gailenduta, oso pozik azaldu da, eta, hunkituta, duela gutxi hil zaien amona izan du gogoan.
Ibarrola eta Gaminde: ''Partida perfektua egin dugu, akatsik gabe''
"Plazandreak" saioko laugarren ekitaldiko binakako txapeldunek nabarmendu dute nola finalean, hasieratik, oso nagusi izan diren, Zabaleta eta Mendizabal aurkari.
2025eko ''Plazandreak'' saioko binakako finaleko azken tantoa: Zabaleta-Mendizabal vs Ibarrola-Gaminde (6-22)
Aizane Ibarrolak eta Enara Gamindek jaso dituzte "Plazandreak" saioko laugarren ekitaldiko txapelak, binaka; finalean, Goiuri Zabaleta eta Nora Mendizabal menderatu dituzte, 6-22.
''Plazandreak'' saioko finalak, gaur gauean, ETB1en eta eitb.eus atarian
Zabaletak eta Mendizabalek Ibarrola eta Gaminde izango dituzte aurkari binakako finalean. Lau t'erdiko txapelketan, berriz, Aldai eta Erasun ikusiko ditugu aurrez aurre. Gaur, 22:15etatik aurrera, ETB1en eta eitb.eus atarian.
EITB Mediak ''Plazandreak'' saioko finalak eskainiko ditu, uztailaren 21ean
"Plazandreak" saioko finalak ate-joka ditugu, eta ostegun honetan egin dute aurkezpena, Bilbon. Eitb.eus-en streamingez ikusi ahal izango dira, eta telebistaz, ETB1en, 22:15etik aurrera.
Ibarrola eta Gaminde, binaka, eta Erasun, lau t'erdian, ''Plazandreak'' saioko finaletara
Ligaxkako azken jardunaldian, hurrenez hurren, Arraiza eta Capellan (22-10) eta Arrillaga (18-11) utzi zituzten txapelketatik kanpo. Finaletan, hilaren 21ean, Zabaleta-Mendizabal eta Aldai izango dituzte aurkari.