Peio Etxeberria final-laurdenetan izango da
Peio Etxeberria nafarrak Buruz Buruko Txapelketako final-laurdenak jokatuko ditu Beñat Rezusta gipuzkoarrari astelehen honetan 22-10 irabazi ostean. Larraintzarko aurrelaria orain arteko ezusteko nagusiena izaten ari da txapelketan; izan ere, Javier Zabala kanporatu zuen atariko fasean, eta, ondoren, Asier Agirre.
Hartara, Danel Elezkano Binakako txapeldun berria izango du aurrez aurre hurrengo kanporaketan, txapelketako fase honetan zerrendaburuak direnak ere lehian sartuko baitira. Aurrelari bien arteko norgehiagoka datorren astelehenean, hilaren 6an, jokatuko da, Tolosan.
Final-laurdenak ostiral honetan abiatuko dira, Donostiako Atanon. Bertan, Iker Irribarria eta Jokin Altuna izango dira nor baino nor gehiago. Irribarriak 22-20ko emaitzarekin irabazi zion Victor Estebani igandeko partidan, eta hala lortu zuen hurrengo kanporaketak izateko eskubidea.
Egun bat geroago, larunbatarekin, Erik Jakak eta Joseba Ezkurdiak neurtuko dituzte indarrak. Jakak 22-20 gainditu zuen Iñaki Artola joan zen ostiralean, Tolosako Beotibarren.
Azkenik, igandean, Oinatz Bengoetxearen eta Mikel Urrutikoetxearen arteko neurketa hartuko du Bilboko Bizkaia Frontoiak. Bengoetxeak larunbatean bereganatu zuen final-laurdenetarako txartela, Retegi Biri 22-16 irabazita.
Zure interesekoa izan daiteke
Dario Gomezek arantzaz beteriko ibilbidea izan du txapelaren loria lortu arte
Aurrelari errioxarrak 2015eko ekainaren 14an egin zuen debuta profesionaletan, Asperen eskutik, Logroñoko Adarraga pilotalekuan. Buruz buruko txapeldunaren ibilbide profesionala zailtasunez beteta egon da, arritmia arazoak izan zituen eta urte luzez arazo ugari eskuekin.
Dario Gomez: “Gorriz jantzita pasako dut urte osoa, ametsik onenetan ere ez nuen halakorik aurreikusten”
Dario Gomezek, egungo Buruz Buruko txapeldunak, elkarrizketa bat eskaini du Ezkaraiko plazatik. Errioxarrak, garaipenarekin pozik, "txapelketa amestutakoa baino askoz hobea" izan dela eta "aurretik datorren guztian pentsatzen" ari dela esan digu. (Bideoa gazteleraz)
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Ezkaraitarrek ongietorri beroa egin diote Dario Gomez txapeldunari
Dario Gomez Buruz Buruko txapeldun berriari harrera beroa egin diote Ezkarain. Eskertuta eta hunkituta agertu da errioxarra.
6-21ekoa, finaleko tantorik onena: Dariok pilotakada bikaina emanda amaitu du
Buruz Buruko final handiko azken-aurreko tantoan, bi pilotariak bizi-bizi aritu dira, defentsa ederra egin dute eta, pilatutako nekea gorabehera, Nafarroa Arena bete duten zaleei biziki gozarazi diete.
Botileroen finala: “Oparirik ez egiteko momentua da!"
Dario Gomezen eta Iñaki Artolaren botileroek protagonismoa izan dute Nafarroa Arenan jokatutako final handian.
Miguel Capellan, Darioren entrenatzailea Ezcarayn: “Badakizu zer egin duen Dariok? Sinestezina da!”
Buruz buruko txapeldun berriak Miguel Capellan izan zuen entrenatzaile. Nafarroa Arenan jokatutako finala ikusi eta aurrelari errioxarrak txapela jantzi ostean, Capellanek, hunkituta, urte haiek ekarri ditu gogora.
Balba Gil, Darioren ama: “Niretzat, nire semea nire txapelduna da”
“Bere bizitza osoko ametsa da”, esan du Balba Gil 2026ko Buruz Buruko Txapelketako txapeldunaren amak, semeak Nafarroa Arenan txapela irabazi ostean. Dario argi menderatu du Iñaki Artola finalean: 6-22.
Dario Gomez: “Hurrengo pilotakadan baino ez nuen pentsatu nahi”
Dario Gomez Aspeko pilotariaren adierazpenak, 2026ko Buruz Buruko Txapelketa irabazi eta txapela jantzi ondoren. (Adierazpenak gaztelaniaz)
Finaleko azken tantoa eta sari banaketa
Dario Gomez da 2026ko buruz buruko txapelduna. Igandean, Iruñeko Nafarroa Arenan jokatutako finalean, Aspeko pilotariak 6-22 menderatu du Iñaki Artola, eta garaipen horri esker txapela eskuratu du.