Binakakoa
2023/02/19 - 22:34
Elordik eta Zabaletak geldiezin jarraitzen dute eta 12. garaipena eskuratu dute Larrazabal-Albisuren aurka
Baikoko bikoteak ez dizkio gauzak erraz jarri sailkapeneko liderrei. Are gehiago, 16-14 aurretik egon dira. Elordik eta Zabaletak, ordea, partidari buelta ematea lortu eta beste garaipen bat erdietsi dute.
2023/02/18 - 22:17
P.Etxeberria eta Rezusta play-offerako sailkatu dira Laso-Eskirozi irabazita
Urdinak aurretik joan dira partidaren hasieran. 5 eta 6 tantoko aldea lortu dute. Gorriak, baina, 17-18 hurbiltzea lortu dute. Hala ere, urdinek ez zuten puntua galdu nahi eta azkenean 22-17 nagusitu dira.
2023/02/17 - 17:12
Otsailaren 23an jarriko dira salgai 2023ko Binakako Txapelketako finalerako sarrerak
Sarrerak entradasfronton atarian eskuratu ahal izango dira.
2023/02/15 - 20:10
Partida erabakigarriak jokatuko dira Labriten eta Beotibarren
Ligaxka azken txanpan sartu da, eta 13. jardunaldian neurketa erabakigarriak jokatuko dira. Labriten, larunbatean, Laso-Eskiroz eta P. Etxeberria-Rezusta bikoteak arituko dira nor baino nor gehiago. Beotibarren, asteartean, Peña II.a-Maruiezkurrena II.a eta Ezkurdia-Martija bikoteek jokatuko dute.
2023/02/14 - 18:35
Elordi-Zabaletak eta Larrazabal-Albisuk igandeko partidarako materiala aukeratu dute, Bilbon
Binakako Txapelketako ligaxka azken-aurreko jardunaldian sartzear da eta gaur, Bilbon, Larrazabal-Albisu eta Elordi-Zabaleta bikoteak aritu dira iganderako pilotak hautatzen.
2023/02/13 - 22:00
Bi jardunaldi ezin interesgarriago playoff-etan sartzeko borrokan
Ezkurdiak eta Martijak partidarik onena jokatu eta playoff-ak puntu batera dituzte. Jaka eta Arangunenentzat berriz, bukatu da txapelketa. Bestalde, Altunak eta Tolosak eskuratu dute finalerdietarako jokoan zegoen bigarren txartela.
2023/02/13 - 18:02
Larrazabalek eta Eskirozek berriro ordezkatuko dituzte Urrutikoetxea eta Imaz
Urrutik eta Imazek ez dituzte lesioak gainditu, beraz, aurreko jardunaldian euren ordez aritu ziren pilotariek lana bera izango dute.
2023/02/12 - 21:54
Ezkurdiak eta Martijak finalerdietarako aukerei eutsi diete (22-6)
Ezkurdiak eta Martijak Binakako Txapelketako finalerdietarako sailkatzeko aukerei eutsi diete, Jaka eta Aranguren, dagoeneko kanporatuta daudenak, 22-6 mendean hartuta.
2023/02/12 - 12:08
Lasok kolpe gogorra hartu du Binakako Txapelketako 12. jardunaldiko partidan
Unai Lasok kolpe beldurgarria hartu du Markinako pilotalekuan. Eskirozekin bikotea osatuta 11-22 galdu du Elordiren eta Zabaletaren kontra Binakakoaren 12. jardunaldiko partida. Min hartu du eskuin belaunean, eta ikusi egin beharko da belaun horren bilakaera zer nolakoa den.
2023/02/11 - 21:59
Elordik eta Zabaletak 11. puntua batu dute Laso eta Eskirozen aurka (22-11)
Elordik eta Zabaletak hasieratik izan dute aginte makila. Lasok eta Eskirozek ez dute partida txarra egin baina ezin izan dute ezer egin liderren aurrean.
2023/02/11 - 21:44
Altuna eta Tolosa finalerdietarako sailkatu dira Peña eta Mariezkurrena menderatuta (22-21)
Berdinketa ugari izan dira partidan zehar. Peña eta Mariezkurrena aurretik jarri dira (8-3) baina berriro berdindu da partida. Azkenean, Altunak eta Tolosak garaipena bereganatu dute.
2023/02/11 - 15:30
Larrazabal eta Albisu, nagusi P. Etxeberria-Rezusta bikotearen aurka (17-22)
Larrazabalek Urrutikoetxea ordezkatu du, eta Albisurekin batera irabazi egin du Peio Etxeberriaren eta Rezustaren aurka (17-22) jokatutako Binakako Txapelketako 12. jardunaldiko partida. Urrutikoetxea-Albisu bikoteak play-offa jokatzeko aurrerapausoa eman du.
2023/02/08 - 16:24
Etxeberria-Rezusta eta Larrazabal-Albisu bikoteek ostiralerako pilotak aukeratu dituzte, Tafallan
Iker Larrazabal amurrioarrak Mikel Urrutikoetxea ordezkatuko du, azken horrek minduta baitu ezker sorbalda. Bi bikoteek bost garaipen lortu dituzte orain arte, eta, beraz, partida oso garrantzitsua da, hamabigarren jardunaldia dela kontuan izanik, gainera.
2023/02/07 - 18:45
Urrutikoetxeak minduta dauka ezker sorbalda, eta ez du jokatuko asteburuan; bai, ordea, Mariezkurrenak
Larrazabalek ordezkatuko du ezkerreko sorbaldan min hartuta dagoen aurrelaria. Mariezkurrena, berriz, hiru jardunalditan jokatu gabe egon ostean, frontoietara itzultzeko prest dago.
2023/02/07 - 17:06
Ezkurdia-Martija eta Jaka-Aranguren bikoteek iganderako materiala hautatu dute, Altsasun
Igandean, Altsasuko Burunda pilotalekuan, Binakako Txapelketan sailkapeneko azken postuan dauden bikoteek neurtuko dituzte indarrak, Ezkurdia-Martijak eta Jaka-Arangurenek, hain zuzen ere. Astearte honetan 12. jardunaldiko partida horretarako pilotak hautatu dituzte.
2023/02/06 - 18:03
Elordi eta Zabaleta, finalerdietarako sailkatuta
Aitor Elordi eta Jose Javier Zabaleta Binakako Txapelketako 11 jardunaldietatik 10 irabazi dituzte. Hartara, Aspeko bikotea dagoeneko finalerdietara sailkatu da eta orain, hilabete bat dauka finalerdietako ligaxkarako prestatzeko.
2023/02/06 - 17:18
Imazek ez du jokatuko Elordi eta Zabaletaren aurka; Eskirozek ordezkatuko du
Altunaren eta Tolosaren aurkako partidan eskuin eskuan min hartu zuen eta ondorioz ez da Lasoren ondoan arituko sailkapeneko liderren aurka.
2023/02/05 - 21:49
Altunak eta Tolosak erraz irabazi diete Laso eta Imazi (22-8)
Altuna III.ak eta Tolosak BInakako Txapelketako zortzigarren garaipena lortu dute igande honetan, Laso eta Imaz erraztasunez menderatuta. Hasieratik utzi dute erabakita partida, eta hurrengo fasera sailkatzetik gertu daude.
2023/02/04 - 21:40
Elordi eta Zabaletak haien nagusitasuna erakutsi dute Peña eta Eskirozen kontra (22-11)
Binakako Txapelketako sailkapen nagusiko liderra den bikoteak hamargarren garaipena lortu dute larunbat honetan. Peñak eta Eskirozek ezin izan dute haien hirugarren garaipena eskuratu geldiezin dabilen bikotearen aurka.
2023/02/04 - 21:40
Jakak eta Arangurenek txapelketako bigarren garaipena lortu dute (22-16)
Bikotea Binakako Txapelketako azken sailkatua da, eta orain arte garaipen bakarra zuten lortua. Larunbat honetan 22-16 nagusitu zaie P. Etxeberria eta Rezustari, hasiera parekatua izan duen partidan.