Binakakoa

2024/03/05 - 18:38

Artola eta Imaz eta Peio Etxeberria eta Zabaleta, gustura larunbateko partidarako pilotekin

Larunbatean, Labriten, neurketa oso garrantzitsua jokatuko dute; izan ere, garaipena lortzen duen bikoteak oso gertu izango du finala, aurreneko jardunaldian erdietsitako puntua tarteko.

2024/03/03 - 21:38

Peio Etxeberria eta Zabaleta gailendu dira Altuna III.aren eta Martijaren aurrean (14-22)

Peio Etxeberriak eta Zabaletak lehendabiziko urratsa eman dute Binakako Txapelketako finalera bidean, Altuna III.ari eta Martijari ondo irabazita. Partida orekatua izan da lehen zatian, baina urdinak nagusitu dira ondoren.

2024/03/02 - 21:37

Artolak eta Imazek lehen puntua lortu dute, Jaka eta Mariezkurrenaren aurka ezustekoa emanda (13-22)

Bikote urdinak txapelketako lehen zatiko bikoterik onena menderatu du Labriten jokatutako finalerdietako ligaxkako lehen partidan. Jakak eta Mariezkurrenak ondo hasi dute partida, baina aurkariek ateratako pilota motelak goitik behera aldatu du neurketa.

2024/03/02 - 20:55

Jon Mariezkurrena: ''Aipatzekoa da haiek ateratzen zuten pilota, nik uste penagarria zela''

Erik Jakak eta Jon Mariezkurrenak galdu egin dute Iñaki Artolaren eta Ander Imazen aurka, 13-22, Binakako Txapelketako finalerdietako 1. jardunaldiko partida. Neurketa amaituta, Mariezkurrena II.a materialaz kexatu da.

2024/02/27 - 19:41

Jakak eta Mariezkurrenak eta Artolak eta Imazek larunbaterako pilotak hautatu dituzte

Jaka eta Mariezkurrena ez dira gustura gelditu aukeratzeko izan den materialarekin; Imazek eta Artolak, ordea, ez dute oztoporik ikusi.

2024/02/25 - 21:57

Artola eta Imaz finalerdietan dira, Peña II-Albisu bikotearen aurka maldan gora izan duten partida irabazita

Artolak eta Imazek BInakako Txapelketako finalerdietarako txartela eskuratu dute, Peña II-Albisu bikoteari 22 eta 20 irabazita, play-offetako azken partida. Artola eta Imaz 8-17 galtzen ibili dira, baina, azkenean, garaipena bereganatu dute.

2024/02/24 - 14:03

Peña II.ak eta Albisuk jokatuko dute Imazen eta Artolaren aurka, finalerdietako ligaxkarako azken txartela

Peña II.ak eta Albisuk mendean hartu zituzten Elordi eta Rezusta (15-22), bart Amorebieta-Etxanoko frontoian jokatutako partidan, eta, ondorioz, haiek lehiatuko dute, Imazen eta Artolaren aurka, Binakako Txapelketako finalerdietako ligaxkan parte hartzeko azken txartela, igande honetan, Bilbon.

2024/02/24 - 13:51

Binakako Txapelketatik at geratu arren, Elordik tanto ikusgarria egin du play-offeko partidan

Elordi eta Rezusta Binakako Txapelketatik kanporatuta geratu dira, Peña II-Albisu bikotearen aurkako play-offetako partida galduta (15-22). Hala ere, Elordik tanto ikusgarri hau egin zuen, Zornotzako frontoian.

2024/02/24 - 01:45

Peñak eta Albisuk, Elordi eta Rezusta 22-15 menderatuta, finalerdietarako sailkatzeko lehian jarraitzen dute

Elordi eta Rezusta, emaitza horren ondorioz, Binakako Txapelketatik at gelditu dira. Peña II.ak eta Albisuk Artola eta Imaz izango dituzte aurkari, igandean, eta finalerdietako ligaxkarako azken txartela izango da jokoan.

2024/02/23 - 18:17

Iñaki Artolak jokatu egingo du igandean, Bilbon, finalerdietarako azken txartela erabakiko duen partidan

Alegiako aurrelariak ez zuen kantxaratzerik izan, ostegunean, gastroenteritisak jota, eta Urrutikoetxeak ordezkatu zuen. Altuna III.ak eta Martijak 22-11 menderatu zuten Baikoko bikotea, eta, hala, Artolak eta Imazek finalaurrekoetarako sailkatzea izango dute jokoan, igandean.

2024/02/23 - 01:19

Jokin Altuna eta Julen Martija, Binakako Txapelketako finalerdietara

22-11 menderatu dituzte, ostegunean, Tolosan, Mikel Urrutikoetxea eta Ander Imaz. Iñaki Artolak eta Imazek beste aukera bat izango dute, Elordi-Rezusta edo Peña II-Albisu aurkari, finalerdietarako sailkatzea eskuratzeko.

2024/02/22 - 20:12

Mikel Urrutikoetxeak pilotakada ikaragarria jaso du hankan

2-8 tantoan Ander Imazi ihes egin dio pilotak eta zaratamoarraren eskuin hankan jo du, bikien inguruan. Mikel Urrutikoetxeak ez du arazorik izan Beotibar frontoieko kantxan jarraitzeko Altuna-Martija bikotaren aurkako neurketan.

2024/02/21 - 20:56

Urrutikoetxeak Artola ordezkatuko du, ostegunean, play-offeko partidan, Tolosan

Iñaki Artolak, gastroenteritisak jota, Baikok iragarri duenez, ezingo du jokatu Beotibarreko neurketan. Bertan zehaztuko da zein den Binakako Txapelketako finalerdietarako sailkatzen den hirugarren bikotea.

2024/02/21 - 19:03

Peña-Albisu eta Elordi-Rezusta bikoteak finalaurrekoetarako txartelaren bila

Baiko eta Aspeko pilotariak ostiralean, Zornotzan, jokatuko den partidarako material hautaketa egin dute. Peña eta Albisu materialaz kexatu dira eta "graziarik gabeko pilotak" direla adierazi dute.

2024/02/20 - 16:32

Finalaurrekoetarako txartela jokoan dute Altuna-Martija eta Artola-Imaz bikoteek

Eskuz Binakako Txapelketako finalaurrekoetarako txartela izango dute jokoan ostegun honetan Altuna-Martija eta Artola-Imaz bikoteek. Astearte honetan egin dute material aukeraketa.

2024/02/19 - 21:34

Ligaxkak azken unera arte eutsi dio emozioari

Elordi-Rezustak kostata lortu dute garaipena eta play-offa jokatuko dute azkenean. Etxeberria-Zabaleta zuzenean saikatu dira finalerdietara. Nabarmentzekoa da, gainera, Zabalaren lana, errioxarrak ondo bete du Altuna III.aren hutsunea.

2024/02/18 - 21:31

Elordi eta Rezusta play-offetara sailkatu dira, gorriak ikusita (22-19)

Lasori eta Arangureni gailendu zaizkie Donostiako Atano III.a pilotalekuan jokatutako 14. jardunaldiko partidan.

2024/02/17 - 21:29

Etxeberria eta Zabaleta finalaurrekoetan dira; Artolak eta Imazek, aldiz, play-offa jokatuko dute

Aspeko bikotea 15 eta 22 gailendu da Iruñeko Labrit pilotalekuan jokatutako partidan. Etxeberriak hasiera ikusgarria eman dio partidari, eta urdinek azkar zabaldu dute aldea markagailuan.

2024/02/17 - 12:49

Mariezkurrenak, Jaka lagun duela, Ezkurdia eta Tolosaren aurkako partidan egindako tanto bikaina

Jakak eta Mariezkurrena II.ak 20-22 menderatu dituzte Ezkurdia eta Tolosa, Altsasuko Burunda pilotalekuan. Mariezkurrenak partidan egindako tanto ikusgarria jaso dugu bideo honetan.

2024/02/17 - 11:50

Jaka: ''Materiala kenduz bezala ibili dira, ez dakit Jonen beldurragatik edo zergatik, baina aipatzekoa da''

Erik Jakak, Jon Mariezkurrenarekin batera, Ezkurdia-Tolosa bikotearen aurka garaipena lortuta (20-22) biribildu du Binakako Txapelketako ligaxkako lehen postua. Hala ere, Jaka kexatu egin da pilotengatik.