Altuna-Martija vs Laso-Imaz, Bizkaia pilotalekua bete egingo da denboraldiko lehen final handian
Bilboko Bizkaia pilotalekua leporaino beteko da igandean azken bi urteetan pandemiak eragindako murrizketen ostean, Jokin Altuna-Julen Martija eta Unai-Laso-Ander Imaz bikoteek jokatuko duten Binakako Txapelketako finala ikusteko.
Binakakoa urtean dauden hiru final handietako bat da, Buruz Burukoarenarekin eta Lau T'erdikoarenarekin batera.
Kantxa bilbotarrak bere 3.000 jesarlekuak beteko ditu, 35 eta 120 euro arteko sarrerak salduta. Teorian, Altuna eta Martija dira txapela janzteko faboritoak, esperientzia gehiago eta beste txapela batzuk irabazi dituztelako. Lasok eta Imazek, berriz, lehen txapelketa handia irabazteko aukera dute.
Jokin Altuna (Amezketa/Gipuzkoa, 26 urte) azken urteetako izarretako bat da. 2018ko eta 2021eko Buruz Burukoak eta 2017ko, 2020ko eta 2021eko Lau T'erdiko txapelketak irabazi ditu. Igandekoa bere lehen garaipena izango litzateke Binakakoan, eta, gainera, "hiru koroak" dituzten pilotarien ohorezko taldean sartuko litzateke.
Julen Martija (Etxeberri/Nafarroa, 24 urte) lau finalisten artean Binakako txapela irabazi duen bakarra da. Joseba Ezkurdiarekin batera irabazi zuen 2020. urtean, harmailak hutsik jokatutako finalean. Aimar Olaizola eta Mikel Urrutikoetxea mendean hartu dituzten final hartan.
Aurrean, Unai Laso (Bizkarreta-Gerendiain/Nafarroa, 24 urte) eta Ander Imaz (Oiartzun/Gipuzkoa, 27 urte) izango dituzte. Baikokoak ezustekoa ematen saiatuko dira, finalerdietako ligaxkako azken jardunaldian egin bezala.
Lasorentzat bere bigarren final handia izango da, azaroan Lau T'erdikoa jokatu ostean. Altunaren aurka galdu zuen partida hura. Imazentzat, berriz, lehen final handia da, lauren artean zaharrena den arren.
Material aukeraketa
Bi bikoteek asteazkenean egin zuten material aukeraketa. Altuna III.ak eta Martijak 104.3, 105.1 eta 104.8 gramoko pilotak aukeratu zituzten, aurkarienak baino bote gutxiagokoak. Lasok eta Imazek, aldiz, 104.7, 104.1 eta 104.1 gramokoak hautatu zituzten.
Finala, 17:00etan hasiko den jaialdiko bigarren partida izango da. Aurretik Elezkano II.a-Rezusta eta Jaka-Mariezkurrena bikoteek neurtuko dituzte indarrak. Jaialdia zuzenean emango dute ETB1ek eta eitb.eus-ek.
Zure interesekoa izan daiteke
Binakako Txapelketako finalaurrekoak abiatuko dira asteburuan, Altuna-Ezkudia vs Elordi-Zabaleta partidarekin
Ezkurdia ondoezik, gainerako hiru pilotariek hartu dute parte astearte goizean Donostian egindako pilota-aukeraketan. Hala, Altunak, Elordik eta Zabaletak hautatu dute asteburuan erabiliko duten materiala. Emaitza- zein joko-bolada onean iritsiko dira hitzordura.
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.
Jakak eta Iztuetak Larrazabal eta Landa garaitu dituzte (22-15), eta finalerdietako txartela izango dute jokoan igandean
Jakak eta Iztuetak 22-15 menderatu dituzte Larrazabal eta Landa Binakako Txapelketako play-offean. Garaipen horri esker, igandean Zabalaren eta Martijaren aurka neurtuko dituzte indarrak, eta bikote irabazleak finalerdietarako txartela eskuratuko du.
Altunak eta Ezkurdiak finalerdietarako txartela lortu dute, Zabala eta Martijari 22-12 irabazita
Joseba Ezkurdiak, atzelari lanetan, txapelketako bere partidarik onena egin du. Neurketaren bigarren erdian are eta nagusiago izan dira gipuzkoarra eta nafarra. Javi Zabalak eta Julen Martijak bigarren aukera bat izango dute sailkapena lortzeko.
Laso eta Albisuren marka ikaragarria, 13 garaipen 14 jardunalditan
Unai Laso eta Jon Ander Albisu sekulako ligaxka eginda iritsiko dira Binakako Txapelketako finalerdietara. Atzo 22-20 irabazita, 13 garaipen lortu dituzte 14 jardunalditan. Azken bederatzi urteetako ligaxketako markarik onena.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Landa atzelari gazteak Mariezkurrenaren lekua hartuko du play-offetan, berriozartarra lesionaturik dabil eta
Larrazabalekin batera, Jaka eta Iztuetaren aurka jokatuko du datorren ostiralean, otsailak 20, Zornotzan. Irabazten baldin badute, igandean, Arrasaten, Berriozarko atzelariaren lekua hartuko luke berriro. Neurketa horretan Zabala-Martija vs Altuna-Ezkurdia partidako bikote galtzailea izango dute aurrean.
Elordik eta Zabaletak erraz irabazi diete Jakari eta Iztuetari (13-22)
Elordik eta Zabaletak 13-22 menderatu dituzte Jaka eta Iztueta Binakako Txapelketako 14. jardunaldiako partidan, Altsasun. Bikote urdinak berriro erakutsi du txapelketako bikoterik sendoenetakoa dela, Lasok eta Albisuk osatzen duten bikotearekin batera.
Altunak eta Ezkurdiak 4. postua ziurtatu dute Larrazabal eta Eskiroz garaituta (22-15)
Altunak eta Ezkurdiak 22-15 garaitu dituzte Larrazabal eta Eskiroz Binakako Txapelketako 14. jardunaldian. Garaipen horri esker, 4. laugarren postua ziurtatu dute, eta ostegunean Zabalaren eta Martijaren aurka jokatuko dute play-offeko partida.
Zabalak eta Martijak garaipenarekin bukatu dute Binakako ligaxka (20-22)
Zabalak eta Martijak 20-22 garaitu dituzte Peña eta Imaz Binakako Txapelketako 14. Jardunaldian. Ez zegoen ezer jokoan, baina bikoteak hurrengo faserako duen sendotasuna erakutsi du.