Asteburu honetan hasiko da finalerdietako ligaxka
Asteburu honetan hasiko da 2019ko Binakako Txapelketako finalerdietako ligaxka, martxoaren 9an eta 10ean jokatuko diren lehen bi neurketekin, betiere apirilaren 7an Bizkaia Frontoian lehiatuko den final handia helburu izanik.
Iruñeko Labritek hartuko du larunbateko partida, eta bertan izango dira nor baino nor gehiago Elezkano II.a-Rezusta eta Victor-Albisu bikoteak. Azkenean, Ezkaraiko aurrelaria izango da Jon Ander Albisurekin arituko dena, lesionatuta dagoen Aimar Olaizolaren ordez, final-laurdenetako azken bi partidatan egin legez.
Egun bat geroago, Eibarko Astelena pilotalekuan jardungo dute Altuna III.ak eta Martijak Irribarriaren eta Zabaletaren kontra.
Finalerdietako bigarren eta hirugarren jardunaldiak asteburu honen ostean datozen bi asteburuetan jokatuko dira, hau da, martxoaren 16an eta 17an eta martxoaren 23an eta 24an.
Horietako lehendabizikoan, lehenengo jardunaldiko bi bikote galtzaileak izango dira aurrez aurre Labriten, martxoaren 16an. Batak zein besteak ia ezinbestekoa izango dute garaipena lortzea, azken jardunaldira finalera sailkatzeko aukerekin iritsi nahi baldin badute.
Bere aldetik, martxoaren 17an, estreinako jardunaldiko garaileek neurtuko dituzte indarrak Bilboko Bizkaia Frontoian. Partida honetako irabazleek finalean izateko aukerak ia erabakita utz ditzakete euren alde.
Hirugarren eta azken jardunaldiko neurketak Labriten eta Atano III.a (Donostia) frontoietan jokatuko dira. Larunbatean, martxoaren 23an, Labriten, eta, martxoaren 24an, igandean, Donostian.
Zure interesekoa izan daiteke
Jon Ander Albisu: “Faborito kartel hori irabazi egin dugu, kantxan erakutsi dugun mailagatik”
Unai Laso eta Jon Ander Albisu elkarrizketatu ditugu ataunen, Binakako Txapelketa irabazi eta biharamunean. Ospakizunak luzatu ziren arren, bi pilotariak pozik eta harro ageri dira.
Ataundarrek omenaldi beroa egin diote Albisuri
Eguraldi eskasak ez du harrera zapuztu. Aurreskua dantzatu diote, eta bertsolariek bertsoak bota dizkiote. Ustekabeko nagusia Unai Lasok eman dio pilotari ataundarrari, atzelariak ez baitzuen espero aurrelariak omenaldian parte hartzea. Albisu herriarekin "oso eskertuta" azaldu da.
Laso eta Albisu txapeldunek senideekin eta lagunekin ospatu dute, igande gauean, Binakako finalean lortutako garaipena
Unai Lasok eta Jon Ander Albisuk, arratsaldean, Nafarroa Arenan, finalean, Altuna III.a eta Ezkurdia menderatu zituzten; gauean, senideekin eta lagunekin ospatu dute, giro ederrean.
Jon Ander Albisu, Binakako finaleko pilotaririk onena
Atzelari ataundarrak, Unai Lasorekin batera lortutako txapelaz gain, finaleko pilotaririk onenarentzako saria ere eskuratu du, igandean, Nafarroa Arenan.
Ia 3 minutu iraun ditu finaleko tantorik onenak!
Tanto gogorra eta oso lehiatua izan da 9 eta 13koa. 2:59ko iraupena izan du eta guztira 69 pilotakada eman dituzte finaleko lau protagonistek. Finalak izan duen tentsioaren eta lehiakortasunare adierazle garbia.
ARGAZKI-GALERIA: Unai Laso eta Jon Ander Albisuk irabazitako Binakako Txapelketako finalak utzitako irudi ikusgarriak
Unai Laso eta Jon Ander Albisu 16-22 gailendu zaizkie Jokin Altuna eta Joseba Ezkurdiari, Nafarroa Arenan jokatutako 2026ko Binakako Txapelketako finalean. Galeri honetan, neurketak utzitako hainbat une esanguratsuren argazkiak aurkituko dituzue.
Unai Laso hunkitu egin da Txus Villalabeitia fisioterapeutaren mezuarekin
Jon Ander Albisurekin batera Binakako Txapelketako finala irabazi eta gero, Unai Lasok hamaika zorion mezu jaso ditu, tartean Txus Villalabeitia fisioterapeutarena.
Albisuren ama eta anaia: “Ametsa bete da"
Jon Ander Albisuren ama eta anaia pozez gainezka agertu dira Baikoko pilotariak partida irabazi ostean. Bitxikeria bat ere kontatu dute: pilotariaren alabak amets egin zuen aitak txapela irabaziko zuela.
Unai Laso: "Oso hunkituta nago"
Unai Laso eta Jon Ander Albisu dira 2025-2026ko Binakako Txapelketako txapeldunak. Baikoko pilotariak lehen aldiz nagusitu dira txapelketa honetan, Altuna III.a eta Ezkurdia 16-22 garaituta. Lasok hunkituta egin ditu lehen adierazpenak.
Jon Ander Albisu: “16 urte eta gero, txapela buruan”
Unai Laso eta Jon Ander Albisu dira 2025-2026ko Binakako Txapelketako txapeldunak, Altuna III.a eta Ezkurdia 16-22 garaituta. Ataungo pilotariaren lehen hitzak jaso ditugu bideo honetan.