Olaizola II-Zabala bikoteak zazpigarren garaipena lortu du

Aimar Olaizolak eta Ibai Zabalak 22-11 irabazi dute Pablo Berasaluzeren eta Jon Ander Albisuren aurka jokatu duten Binakako Txapelketako partida. Hamar jardunaldi jokatu dira, eta zazpi garaipen lortu dituzte Olaizola II.ak eta Zabalak.

Olaizolak eta Zabalak indartsu ekin zioten partidari (3-0), baina azkar erantzun zuten Berasaluze VIII.ak eta Albisuk. Partida parekatu egin zen (4-4, 5-5, 6-6 eta 8-8). Bederatzinako (9-9) berdinketaren ondoren, Olaizola II.a agintzen hasi zen. Berasaluzek ezer gutxi egin ahal izan du aurrealdeko koadroetan Aimar gainditzeko, eta Albisuk huts asko egin ditu atzealdean. Horrenbestez, Aimar Olaizola eta Ibai Zabala aise iritsi dira 22. tantora (22-11).