Pilotarien Elkartea haserre agertu da esku pilotaren egoeragatik
Frontoi bat, jendez beteta. Argazkia: EITB
Pilotarien Elkarteak ohar bat argitaratu du larunbat honetan bere sare sozialen bidez, esku pilota profesionalaren kudeaketak egun duen egoeragatik kezkatuta dagoela adierazteko.
"Pilotarien Elkartetik publikoki adierazi nahi dugu gure kezka pilota profesionalaren kudeaketa hartzen ari den norabideagatik, batez ere frontoiak beteta dauden eta zaleen erantzuna apartekoa den une honetan", dio oharrak.
"Pilotak frontoiak betetzen ditu, baina barrutik husten da" izenburupean, Aspe eta Baiko enpresetako pilotariak biltzen dituen elkarteak bere kezka agertu nahi izan du pilota profesionala hartzen ari den norabideagatik.
"Hainbat bilera egin ditugu eta kezka horiek adierazi ditugu, baina sentsazioa beti bera izan da: ez zaigu entzuten eta ez da benetako aldaketarik gertatzen", kritikatu dute.
Pilotarien esanetan, diru-sarrerek gora egiten duten bitartean, plantillen murrizketa, partiden murrizketak eta kirolaren garapenari jaramonik ez egitea sufritzen ari dira. Horien ustez, egoera horrek pilotari gazteenei egiten diela kalte handiena, gero eta gehiago eskatzen baitzaie denbora gutxiagoan.
Argitu dutenez, "ez da aldarrikapen pertsonala, hausnarketa kolektiboa baizik. Gure helburu bakarra pilotak funtzionatzen jarraitzea da, haztea eta etorkizun sendoa eta iraunkorra izatea, hori posible egiten dutenak zainduz eta zaleak errespetatuz".
Zure interesekoa izan daiteke
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.
Jakak eta Iztuetak Larrazabal eta Landa garaitu dituzte (22-15), eta finalerdietako txartela izango dute jokoan igandean
Jakak eta Iztuetak 22-15 menderatu dituzte Larrazabal eta Landa Binakako Txapelketako play-offean. Garaipen horri esker, igandean Zabalaren eta Martijaren aurka neurtuko dituzte indarrak, eta bikote irabazleak finalerdietarako txartela eskuratuko du.
Beñat Zubizarretak debuta egingo du profesionaletan, larunbatean: “Eguna heltzeko irrikan nago”
Zubizarreta IV.ak Imaz izango du atzelari, Peio Etxeberria-Bikuña bikotearen aurka, Azkoitian. Beñat Zubizarretak Baikorekin egingo du debuta, eta Iraitz anaiak ere enpresa horretan jokatzen du.
Laso eta Albisuren marka ikaragarria, 13 garaipen 14 jardunalditan
Unai Laso eta Jon Ander Albisu sekulako ligaxka eginda iritsiko dira Binakako Txapelketako finalerdietara. Atzo 22-20 irabazita, 13 garaipen lortu dituzte 14 jardunalditan. Azken bederatzi urteetako ligaxketako markarik onena.
Elordik eta Zabaletak erraz irabazi diete Jakari eta Iztuetari (13-22)
Elordik eta Zabaletak 13-22 menderatu dituzte Jaka eta Iztueta Binakako Txapelketako 14. jardunaldiako partidan, Altsasun. Bikote urdinak berriro erakutsi du txapelketako bikoterik sendoenetakoa dela, Lasok eta Albisuk osatzen duten bikotearekin batera.
Zabalak eta Martijak garaipenarekin bukatu dute Binakako ligaxka (20-22)
Zabalak eta Martijak 20-22 garaitu dituzte Peña eta Imaz Binakako Txapelketako 14. Jardunaldian. Ez zegoen ezer jokoan, baina bikoteak hurrengo faserako duen sendotasuna erakutsi du.
Elordik eta Zabaletak garaipen garrantzitsua lortu dute bigarren postua sendotzeko (22-18)
Elordik eta Zabaletak 22-18 irabazi diete Larrazabal eta Mariezkurrenari, Binakako Txapelketako 13. jardunaldian. Partida oso lehiatuta egon da, Mariezkurrenak min hartu duen arte.
Iker Larrazabal, ur-aparretan
Sailkapenaren estuasunak ikusita gaurko puntua oso garrantzitsua da bi bikoteentzat. Aspekoek Baikokoek baino puntu bat gehiago dute. Neurketa horri buruz hitz egiteko Iker Larrazabalekin izan gara.
Beñat Rezustaren muturreko bi egoerak, hilabete gutxitan
Iaz, Ezkurdiarekin batera, Binakako Txapelketan nagusi izan ostean, gainbehera egin du Rezustaren ibilbideak, eta ezin buelta emanda dabil aurten. Zer-nolako sentipenak dituen kontatu du elkarrizketa honetan, aurten bere faboritoak zein diren azaldu du.
Laso eta Albisu berriro garaile, Elordi eta Zabaleta menderatuta (17-22)
Lasok eta Albisuk 11. garaipena lortu dute Binakako Txapelketako 12. jardunaldian, Elordi eta Zabaleta 17-22 menderatuta. Gorriak 9-5 aurreratu dira lehen erdian, baina urdinek 11-11ko berdinketa lortu dute gero, eta hortik aurrera nagusi izan dira.