Arteaga II.ak ez du Baikon jarraituko
Axier Arteagak ez du Baiko Pilotako pilotari izaten jarraituko datorren irailetik aurrera, Bilboko enpresak asteazken honetan jakinarazi duenez. Horrela, Lasarte-Oriako aurrelariak irailaren 17an jokatuko du azken partida Baikoko kide gisa, bere herrian.
Arteaga II.ak (26 urte) 2016an egin zuen debuta profesionaletan Tolosako Beotibar pilotalekuan, eta, ordutik hona, 300 partida inguru jokatu ditu.
2017an eta 2020an, Promozioko Buruz Buruko txapelketak irabazi zituen Bakaikoaren (22-18) eta Elordiren (22-12) aurka, hurrenez hurren.
Halaber, 2017an ere, Promozioko Binakako Txapelketa bereganatu zuen Erasunekin batera, Peña II-Salaverri bikotearen aurka (22-12).
Argitaratutako oharrean, Baikok "eskerrak" eman dizkio Arteaga II.ari "urte hauetan enpresan erakutsitako profesionaltasunagatik", eta onena opa dio etorkizunerako.
Zure interesekoa izan daiteke
Barandika porrotarekin berragertu da Mungiako Master Series txapelketan, lesio luzea atzean utzita
Ukondoan izandako lesio larriaren ondorioz ia bost hilabete kantxetatik kanpo eman ostean, Gernikako aurrelariak berriro jokatu du gaur arratsaldean. Mungian berragertu da, Zabalarekin batera, Goixerri eta Lekerikaren aurka. Barandikak eta Zabalak bi jokotan galdu dute (9-15 eta 14-15).
Txanika-Argoitia eta Bixente-Oihenard bikoteak, Donostiako Grand Slamaren finalerako prest
Karmelo Balda pilotalekuan jokatuko den finala zuzenean eskainiko dute ETBk eta kirolakeitb.eusek, 17:00etan hasita. Lehen fasean multzo berean izan ziren bi bikoteak, eta orduan Txanika eta Argoitia nagusitu ziren.
Ansa II-Zubiri eta Goikoetxea V-Juanenea bikoteek aukeratu dute play-offerako materiala
Datorren astelehenean jokatuko da “Erremontari” txapelketako finalerdietara sartzeko play-offa. Ansa II-Zubiri eta Goikoetxea V-Juanenea bikoteetako batek lortuko du txartela, gaur egin dute material aukeraketa.
“Erremontari” txapelketaren 5. jardunaldiko hiru tanto onenak
Beñat Segurolak, Endika Barrenetxeak eta Imanol Ansak egin dituzte “Erremontari” txapelketako bosgarren jardunaldiko tanto onenak. Gozatu!
Markina-Xemeingo Grand Slama igande honetan hasi eta uztailaren 16an bukatuko da
Gainerako jardunaldiak ostiralez jokatuko dira, 19:00etatik aurrera. Gizonezkoetan, sei bikote lehiatuko dira, bi multzotan: Erkiaga-Atain, Barandika-Ibarluzea, Urreisti-Gorka, Goitia-Basque, Johan-Zabala, eta Javier-Argoitia vs Txanika-Salegi kanporaketaren irabazlea. Emakumezkoen Master Seriesen, lau bikotek bilatuko dute txapela: Erika-Frida, Elaia-Arain, Lur-Alize eta Helena-Maia.
Aldabek eta Barrenetxeak garaipena eta finalerako txartela lortu dute; Segurola eta Larrañaga, aldiz, txapelketatik at geratu dira
Ansak eta Zubirik Segurola eta Larrañaga hartu dituzte mendean, hiru jokotan (15-12, 14-15 eta 8-6), ligaxkaren bosgarren eta azken jardunaldian. Bigarren neurketan, Aldabek eta Barrenetxeak Goikoetxeari eta Juaneneari irabazi diete bi jokotan (6-15 eta 13-15).
Kemen Aldabe: “Finalean gaude, oso pozik, baina kosta egiten zait horrelako partidetan kontzentratzea”
Aldabek eta Barrenetxea IV.ak bi jokotan irabazi diete Goikoetxea V.ari eta Juaneneari (6-15 eta 13-15). Garaipen honi esker, egungo txapeldunak finalean sartu dira berriro.
Imanol Ansa: “Bigarren postuak ihes egin digu; play-offetan gerra ematen jarraitzeko asmoa daukagu”
Imanol Ansak eta Aritz Zubirik hiru jokotan garaitu die Beñat Segurolari eta Iban Larrañagari (15-12, 14-15 eta 8-6). Garaipen honekin “Erremontari” txapelketako hirugarren eta laugarren postuak erabakiko dituzten play-offetan sartu dira Ansa II eta Zubiri.
Barrenetxeak eta Argoitiak eraman dituzte zesta-puntako txapelak
Burgun jokatu diren Euskal Herritik Mundura AMPO Txapelketako zesta-puntako finaletan, Barrenetxea izan da nagusi emakumezkoen mailan, Arakistain bi setetan menderatuta (15-4 eta 15-11). Gizonezkoetan, berriz, Argoitiak Txanika garaitu du, bi setetan (15-10 eta 15-8).
Gaminde, Carregal eta Azketa-Bernaola nagusi Zumarragan
Igande honetan jokatu dira Zumarragan Euskal Herritik Mundura AMPO Txapelketako esku pilotako finalak. Emakumezkoetan, Gamindek argi eta garbi menderatu du Arrizabalaga (2-10 eta 4-10), eta gizonezkoetan, Carregalek Irribarria garaitu du (8-10 eta 3-10). Binakako lehian, berriz, Azketa eta Bernaola nagusitu dira Etxebarria eta Elorzen aurka, partida estu batean (10-4 eta 10-9).