Sansek galdu egin du Mirandesen aurka bat gutxiagorekin jokatuta (1-0)
Talde txuri-urdina jokalari bat gutxiagorekin aritu da bigarren zatian, epaileak Kita kanporatu duelako, eta ondoren sartu du Mirandesek garaipenaren gola. Peru Rodriguezek berdinketa lortu du azken minutuan, baina baliorik gabe utzi dute, jokoz kanpoko zegoelako.
Peru Rodríguez, Sanseko jokalaria. Argazkia: @RSZubieta
Sansek 1-0 galdu du Mirandesen aurka, askoz gehiago merezi izan badu ere, eta, horrenbestez, etxetik kanpo punturik lortu ezinik jarraitzen du Hypermotion Ligan. Talde txuri-urdina jokalari bat gutxiagorekin aritu da bigarren zatian, epaileak Kita atzelariari txartel gorria atera diolako. Iker Varelak sartu du gero Mirandesen garaipenaren gola.
Partida Mendizorrotzan jokatu da, Mirandesen estadioa (Anduva) obretan dagoelako.
Indarrak oso parekatuta izan dira lehen zatian, eta partida itxia izan da, atsedenaldira joan aurretik suspertu den arte. Orduan sortu du arriskua Sansek, golik izan ez bada ere.
Bigarren zatian, Jon Ansotegiren taldea askoz hobeto hasi da, eta aurkaria baino gehiago izan da. Alabaina, 65. minutuan epaileak Kita kanporatu du, txuri-urdinak jokalari bat gutxiagorekin geratu dira, eta horrek neurketa baldintzatu du.
Hortik aurrera, Mirandes izan da nagusi zelaian, eta Sansek atzerapausoa eman du, berdinketari eusteko helburuarekin.
Edonola ere, Varelak 1-0ekoa egin du, 85. minutuan, area kanpotik jaurtiketa eginda. Zoritxarreko jokaldia izan da; izan ere, baloiak Sanseren defentsa bat jo du, eta Fragak ezin izan du ezer egin gola ekiditeko.
Peru Rodriguezek berdinketaren gola sartu 90. minutuan, baina epaileak baliorik gabe utzi du, jokoz kanpo zegoelako, eta luzapenean ondo eutsi dio emaitzari etxeko taldeak.
Zure interesekoa izan daiteke
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.
Mikel Goti Real Oviedora, utzita
Erdilaria Realetik utzita helduko da Asturiaseko taldera, 2026-27 denboraldiaren amaierara arte.