Realak 2-3 galdu du Vila-realen aurka neurketako azken minutuan
Bukaera estu baino estuagoan, 0-2ko markagailua irauli ondoren, talde txuri-urdinak 95. minutuan galdu du urpekari horiaren aurka.
Reala vs Vila-real Argazkia: @RealSociedad
Realak 2-3 galdu du Vila-realen aurka igande honetan Anoetan jokatu den EA Sports Ligako 14. jardunaldiko partida.
Talde txuri-urdinak behetik gora egin du, baina garesti ordaindu ditu defentsan egindako akatsak. Vila-realek eman du lehen kolpea, eta eraginkorrago agertu da area barruan. Realak erreakzio bikaina izan du, 0-2ko markagailua irauli baitu, baina Moleirok denbora erantsian egindako gol batek erabakita utzi du lehia. Etxekoen azken ahalegina ez da nahikoa izan etxean porrot mingarria saihesteko.
Reala hobeto aritu da partidaren hasieran, jabetza eta arrisku sentsazio handiagoarekin. 31. minutuan, baina, Ayoze Perezek Pedrazaren erdiraketa ona errematatu du, markagailuan 0-1ekoa jartzeko.
Lehen zatiko luzapenean, Aritz Elustondo berdinketa lortzeko zorian izan du falta baten irteeran; Luiz Juniorrek, berriz, baloia kornerrera bidali du. Moleirok ere izan du gola sartzeko aukera atsedenaldira iritsi orduko.
Bigarren zatian, Vila-realek Solerren irristada bat aprobetxatu du Moleirok jokaldia gol ikusgarria eginez burutzeko (0-2).
Realak, dena den, azkar erreakzionatu du, eta Carlos Solerrek aldea murriztu du areaz kanpotik gol bikaina eginez (1-2).
86. minutuan, Barrenetxeak markagailua parekatu du, falta jaurtiketa baten bidez (2-2).
94. minutuan, erasoko trantsizio batean, Oluwaseyik 2-3koa sartzeko zorian egon da, Turrientesek atepetik atera baitu baloia. Hurrengo jokaldian, Moleirok jaurtiketa egin du korner batean aldaratze bat baliatuta, eta 2-3koa jarri du.
Zure interesekoa izan daiteke
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.
Jon Martin: “Bigarren zatian kostata ibili gara, ezin izan ditugu trantsizioak egin”
Jon Martinek sartu du Gironaren aurkako partidako gola, bere bigarrena eta “jarraitzeko asmoz”. Lehenengo zatian ondor aritu diren arren, “bigarrenean kostata” ibili direla azaldu du lasartearrak.