Sansek azken minutuetan galdu du Malagan (1-0)
Rafa Rodriguezek 86. minutuan txilenaz sartutako golak eman dio garaipena Malagari. Sanse hobeto ibili da lehen zatian, baina bigarrenean erasoan ezer gutxi egin, eta ez du berdintzea lortu.
Donostiako taldea ondo ibili da defentsan bere arean, ez da kikildu eta ekintzaren batean kontraeraso bat bilatu du, arriskua sortzeko. Txuri-urdinak zelaian finkatzen hasi dira, hegalak hobeto itxiz, lerroak gehiago aurreratuz, eta baloia erasorako asmori eutsita jokatuz.
Euskal taldeak bere aukerarik onena izan zuen Job Ochieng muturrekoak indarra eta abiadura erakutsi dituenean, baina bere jaurtiketak ez du atea aurkitu, gutxigatik. Sansek zailtasunak jarri dizkio aurkariari pixkanaka.
Eta partida berdinketarekin bukatuko zela zirudienean, erdiraketa batean, baloia ez aurrera eta ez atzera geratu da area txikian, eta Rafa Rodriguez erdilariak, txilenaz, sartu du Malagako taldeari garaipena eman dion gola.
Fitxa teknikoa:
1 - Malaga: Alfonso Herrero; Puga, Alex Pastor, Montero, Víctor Garcia; Larrubia, Izan Merino (Juanpe, 67. min), Dotor (Rafa Rodriguez, 83. min), Joaquin Muñoz (Aaron Ochoa, 67. min); Dani Lorenzo (Chupete, 46. min) eta Adrian Niño (Lobete, 57. min).
0 - Reala B: Fraga; Dadie, Beitia, Peru Rodríguez, Agote (Garro, 77. min); Mikel Rodriguez (Lebarbier, 77. min), Gorka Gorosabel, Carbonell, Ochieng (Diaz, 62. min); Mariezkurrena (Carrera, 62. min) eta Orobengoa.
Golak: 1-0, 86. min: Rafa Rodriguez.
Epailea: Alonso de Ena Wolf. Txartel horia atera die Malagako Izan Merino eta Larrubiari, eta Sanseko Carrera eta Garro joklariei.
Zure interesekoa izan daiteke
Gorka Carrerak 2031 arte luzatu du kontratua Realarekin
Errenteriako aurrelaria, bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.
Igor Zubeldia: “Txapelketa asko ditugu denboraldian zehar; helburua da denetan lehiakorrak izatea”
Atzelariak, Zubietan, asteartean, hedabideen aurrean hitz egin du. Zubeldiak, denboraldiaren gainean zer espero duen galdetu diotenean, zehaztu du asmoa duela “ahalik eta partida gehienetan eskuragarri izatea” Rino Matarazzo entrenatzailearentzat.
Ava Seelenfreund fitxatu du Realak
Kaliforniako aurrelaria Realeko jokalaria izango da 2028-2029 denboraldi amaierara arte
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.