Realak porrot batekin esan dio agur egindako denboraldi kaskarrari (2-0)
Realak Real Madrilekin galduta esan dio agur 2024-25 denboraldiari, EA Sports Ligako 38. jardunaldian. Neurketa Imanolen agur ofiziala izan da Realaren partetik, eta Ancelottirena eta Modricena madrildarren partetik.
Orioko entrenatzaileak aldaketa ugari egin ditu hasierako hamaikakoan, aurreko neurketakoarekin alderatuta. Besteak beste, Marrero atezaina, Mariezkurrena, Jon Martin, Aihen eta Aramburu hasieratik zelairatu ditu.
Lehen minutuetan madrildarrak nagusi izan dira eta Mbappek aukera argiak izan ditu, lehenengo biak lehen ordu laurdenean. Frantziarrak gol bakarra behar zuen urrezko bota irabazteko eta horren bila aritu da neurketa osoan.
Donostiarrek ere arriskua sortu dute Luninen atearen inguruan. Sergio Gomezek eta Pablo Marinek gertu izan dute Reala markagailuan aurreratzea.
Baina gola Ancelottiren taldeak egin du VARaren bidez adierazitako penalti batean. Pablo Marinek eskuarekin ukitu du baloia area barruan eta epaileak, jokaldia aztertu ostean, penaltia adierazi du. Zigorra Mbappek jaurti du 38. minutuan, Marrerok geldiketa bikaina egin dio, baina aldaratzea frantziarrari iritsi zaio eta bigarren aukeran ez du barkatu (1-0).
Bigarren zatian, Imanolek Olasagasti zelairatu du Pablo Marinen ordez. Lehen aukera Mbappek izan du berriro, baina jaurtiketa gora joan zaio.
Mariezkurrena ere saiatu da, arean abiaduraz sartuta, baina honi ere jaurtiketa kanpora joan zaio, gutxigatik.
Minutuek aurrera egin dute eta madrildarren nagusitasunari aurre egiteko Imanolek Oyarzabal, Barrene eta Zubimendi zelairatu ditu, baina gauzak ez dira asko aldatu.
Mbapperen bigarrena
83. minutuan, Mbappek etxeko taldearen bigarrena egin du, ezkerkada baten bidez, bere taldearen garaipena ziurtatuz.
Neurketako azken aukera Braisek izan du 91. minutuan, baina bere jaurtiketa gora joan da.
Porrot honekin Realak aurten egindako denboraldi kaskarra amaitu du. Txuri-urdinak 11. geratu dira ligako sailkapenean.
Fitxa teknikoa:
2 - Real Madril: Lunin; Lucas Vazquez (Gonzalo, 77. min), Tchouameni (Vallejo, 56. min), Asencio, Fran Garcia; Fede Valverde, Modric (Chema, 86. min), Ceballos; Arda Güler, Brahim (Vinicius, 56. min) eta Mbappe.
0 - Reala: Marrero; Aramburu, Jon Martín, Pacheco, Ahien Muñoz; Turrientes (Zubimendi, 71. min), Sucic (Brais Mendez, 84. min), Pablo Marin (Olasagasti, 46. min); Take Kubo, Sergio Gomez (Barrenetxea, 71. min) eta Mariezkurrena (Oyarzabal, 71. min).
Golak: 1-0, 38. min: Mbappe. 2-0, 83. min: Mbappe.
Epailea: Melero Lopez (Andaluziako batzordekoa).
Zure interesekoa izan daiteke
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.