Realak garaipena lortu du Valladoliden aurka (2-1), eta Europarako lehian sartu da berriro
Realak 2-1 irabazi du Valladoliden aurka Reale Arena futbol zelaian jokatu duen 2024-25 denboraldiko EA Sports Ligako hogeita bederatzigarren jardunaldiko partida.
Mikel Oyarzabalek egin du lehen gola, 23. minutuan, Pablo Marinen erdiraketa on bat baliatuta, eta txuri-urdinen bigarrena bigarren zatian iritsi da, 68.ean, Sergio Gomezek falta zuzen batean egindakoa. Juanmi Latasak luzapenean sartu du bisitarien gola, 94. minutuan, Darwin Machisen erdiraketa bat sare barrura bidalita.
Bi taldeek ez dute erritmo handiegirik jarri partidaren hasieran, baina aukera batzuk izan dituzte. Lehen zatiaren erdialdean, Javi Lopezek baloi bikaina eman dio Pablo Marini erdiraketa egiteko, eta Mikel Oyarzabalek etxekoen lehen gola egin du (1-0).
Beste behin ere saiatu da Reala, Kubok orpoz jota hasitako kontraeraso on batean. Traore hegaletik joan da baloiarekin, eta Martin Zubimendiri eman ostean, azken horrek orpoz bueltatu dio baloia, baina atezainak Maliko jokalariaren jaurtiketa gelditu du.
Aldageletatik itzulitakoan, partida nahasi bati ekin diote berriro, eta Valladolidek hori aprobetxatu du partidan bete-betean sartzeko. Ondo heldu da aurkariaren atera, baina ez du jokaldirik ondo amaitu.
Orduan etorri da etxekoen bigarren gola, Sergio Gomezek falta zuzen baten bidez egindakoa. Arnau Rafuk atezainak ezin izan du ezer egin baloia desbideratzeko (2-0).
Pucelako taldea partida ahalik eta modu duinean amaitzen saiatu da, eta Juama Latasak 2-1ekoa jarri du markagailuan luzapenean, 94. minutuan, Darwin Machisen erdiraketa bat baliatuta.
Fitxa teknikoa
2 - Reala: Remiro; Traore (Traore, 73. min), Zubeldia, Aritz, Javi Lopez; Zubimendi, Olasagasti (Turrientes, 81. min), Marn (Sucic, 67. min); Kubo (Dani Diaz, 83. min), Oyarzabal (Mariezkurrena, 73. min) eta Sergio Gomez.
1 - Real Valladolid: Rafus; Luis Perez, Javi Sanchez, David Torres, Aznou; Mario Martin (Chuki, 76. min), Juric (Grillitsch, 62. min), Raul Moro (Machis, 76. min), Ivan Sanchez (Arnuncio, 82. min), Amallah (Sylla, 62. min) eta Latasa.
Golak: 1-0, 23. min: Oyarzabal. 2-0, 68. min: Sergio Gomez. 2-1, 94. min: Latasa.
Epailea: Adrian Cordero Vega. Txartel horia atera die Marin (58. min) eta Sergio Gomez (90+7. min) Realeko jokalariei, eta Javi Sanchez (47. min), Amallah (51. min) eta David Torres (68. min) Valladolideko jokalariei.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.