Realak porrot gogorra jaso du Bartzelonaren aurka, Elustondoren kanporaketak baldintzatuta (4-0)
Realak 4-0 galdu du Bartzelonaren aurka Lluis Companys futbol zelaian, 2024-25 denboraldiko EA Sports Ligako hogeita seigarren jardunaldian. Aritz Elustondok txartel gorria ikusi du 17. minutuan, azken gizona zela Dani Olmo lurrera botatzeagatik. Hortik aurrera, Kataluniako taldearen nagusitasuna erabatekoa izan da. Partidako golegileak Gerard Martin, Marc Casado, Ronald Araujo eta Lewandowski izan dira.
Realak presioa eginez hasi du partida, Imanolen taldeak ez baitu bere esentzia galdu nahi izan. Hirugarren minutuan, Realak gola egin du, baina ez da markagailura igo, Sergio Gomezen gola baliorik gabe geratu baita Javi Lopez aurretik jokoz kanpo zegoelako.
Hala ere, dena okertu da txuri-urdinentzat 17. minutuan, epaileak Elustondo kaleratu duenean, etxekoen kontraeraso bat gelditzeagatik, Dani Olmo lurrera bota baitu baloia eskuin oinean itsatsita zuenean.
Etxekoek jokalari bat gehiago izatea baliatu nahi izan dute sailkapenean lider jartzeko, eta 24. minutuan iritsi da blaugranen lehen gola. Lamine Yamalen banakako jokaldi baten ondoren, aurrelariak Dani Olmori eman dio baloia, azken horrek bigarren zutoinera bidali du, eta Gerard Martinek ez du barkatu (1-0).
28. minutuan, Marc Casadok bigarren gola egin du etxeko taldearentzat. Korner batean bisitarien defentsak baloia aldaratu ondoren, Olmok aurrealdetik jaurti du, baloiak area barruan zegoen Marc Casado jo du, eta Remiroren atean sartu da (2-0).
Bigarren zatian, Hansi Flicken taldea geldiezina izan da, eta Araujok etxekoen hirugarren gola egin du 55. minutuan etxekoentzat. Kataluniako taldearen aldeko korner bat Lewandowskik buruz errematatu du, Remirok atera du, baina aldaratzea Araujori erori zaio, eta ez du barkatu hirugarren gola egiteko (3-0).
Lau minutu geroago, Lewandowskik bere 34. gola sartu du, Araujok area barruan egindako jaurtiketa desbideratuta (4-0).
Talde txuri-urdinak ez du Bartzelonaren atera heltzeko aukerarik izan, eta Barçak beste gol bat ere egin ahal izan du, baina Lewandowski eta Ferran Torres ez dira fin aritu ate aurrean errematatzeko orduan.
FITXA TEKNIKOA
4 - Bartzelona: Szczesny; Kounde, Araujo (Héctor Fort, 76. min), Cubarsi (Eric, 59. min), Gerard Martin; Casado, Pedri (De Jong, 59. min); Lamine Yamal, Olmo (Fermin, 71. min), Raphinha (Ferran, 59. min); eta Lewandowski.
0 - Reala: Remiro; Aramburu (Traore, 65. min), Aritz Elustondo, Zubeldi, Javi Lopez; Zubimendi (Turrientes, 46. min), Olasagasti (Martin, 20. min), Pablo Marin; Barrenetxea (Mariezkurrena, 46. min), Oskarsson (Muñoz, 77. min) eta Sergio Gomez.
Golak: 1-0 (25. min), Gerard Martin. 2-0 (29. min), Marc Casado. 3-0 (56. min), Araujo. 4-0 (60. min), Lewandowski.
Epailea: Quintero Gonzalez. Txartel gorria atera dio Aritz Elunstondori (17. min).
Zure interesekoa izan daiteke
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.
EITBk Errege Kopan egingo duen jarraipena aurkeztu du Anoetan
Astearte honetan, martxoaren 31n, aurkeztu da EITBk Errege Kopan egingo duen jarraipen zabala, Donostiako Anoeta estadioan egindako ekitaldian. 30 profesionalek Sevillara bidaiatuko dute ETBn, ETB ON plataforman, kirolakeitb.eus webgunean, Euskadi Irratian eta Radio Euskadin askotariko edukiak eskaintzeko.