Reala eta Las Palmas ez dira sortutako aukerak aprobetxatzeko gai izan (0-0)
Realak eta Las Palmasek hutsean berdindu dute Reale Arenan jokatutako EA Sports Ligako 17. jardunaldiko partida.
Imanolen taldeak erasoari ekin dio hasieratik, eta 6. minutuan Zubimendik taldea aurreratzeko aukera paregabea izan du, baina horren ezkerkada kanpora joan da gutxigatik.
Kanarietako taldearen erantzuna 12. minutuan iritsi da. Zubimendik huts handia egin du pasean, eta baloia Matari iritsi zaio, baina aurrelariaren jaurtiketari erantzun bikaina eman dio Remirok. Hortik aurrera, Diego Martinezen taldeak aurrerapausoa eman du, eta txuri-urdinak estu eta larri ibili dira.
16. minutuan, beste aukera argi bat izan du talde horiak. Moleiro bakar-bakarrik geratu da Remiroren aurrean, eta etxeko taldearen atezaina bikain aritu da baloia desbideratzeko, bisitariak gola ospatzeko prest zeudenean.
Las Palmas erraz iristen ari zen Realaren areara: minutu gutxi batzuetan, lau korner eta bi aukera oso argi izan dituzte.
25. minutuan iritsi da lehen zatiko aukerarik argiena. Sergio Gomezen erdiraketa Mikel Oyarzabalek jaso du, Las Palmaseko atzelarien huts galanta aprobetxatuta, baina eibartarraren jaurtiketak langan jo du, atearen aurrean bakar-bakarrik zegoenean.
27.ean, beste aukera bat izan dute Imanolen jokalariek, baina Sergio Gomezek gehiegi gurutzatu du jaurtiketa.
Ezer gutxi gehiago gertatu da lehen zatian, eta golik gabe joan dira jokalariak aldageletara.
Bigarren zatian, beste aukera argi bat izan du Las Palmasek, baina Sandroren jaurkiketak langa jo du.
Barreneren aukerak
Barrenek aukera bikoitza izan du 67. eta 70. minutuetan, ondoriorik gabe.
77.ean, Sergio Gomezen jaurtiketa ondo aldaratu du Cillessen atezainak.
Azken minutuetan, bi taldeek saiakerak egin dituzte erasoan, baina markagailua ez da mugitu. Huts eta huts, puntu bana Reala eta Las Palmasentzat.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.