Realak Makabi Tel Aviv menderatu du, 1-2, eta gora egin du sailkapenean, Europa Ligan
Realak irabazi egin du, 1-2, Makabi Tel Aviven aurka, 2024-25 denboraldiko Europa Ligako liga faseko hirugarren jardunaldian, Belgraden, Stadion Partizanan, ostegunean. Jon Pachecok, 19. minutuan, eta Sergio Gomezek, 64.ean, Realaren golak sartu dituzte, eta Dor Turgemanek, 82.ean, Makabi Tel Avivena egin du. Horrenbestez, Gipuzkoako taldeak lau puntu daramatza txapelketan, liga faseko aurreneko hiru neurketak jokatuta, eta gora egin du sailkapenean.
Unai Marrero irten da atepean, hasierako hamaikakoan, eta atezain gipuzkoarra izan da nobedaderik handiena talde txuri-urdinean. Realak segituan bereganatu du zelai erdia, eta jokoa kontrolpean izan du lehenengo zatian. 17. minutuan, Sadiqek aukera izan du, gola sartzeko, baina ezin izan du baliatu; ia jarraian, 19.ean, Jon Pachecok ezin hobeto errematatu du, buruz, Braisek ateratako korner bat. 0-1ekoa zen, eta Realak aurretik jartzea erdietsi du, hori egiteko izan duen aurreneko abaguneetakoan.
Braisek, Zubimendik eta Turrientesek aurrera eraman dute Reala, eta Donostiako taldeak, atsedenaldira arte, 0-2koa sartzeko moduko jokaldi batzuk egin ditu. Sadiqek, Take Kubok, Mikel Oyarzabalek eta Javi Lopezek izan dituzte aukerak, baina markagailua ez da berriro aldatu, lehen zati horretan.
Bigarren zatiaren hasieran, Realak ez du asmatu, jokaldi batzuetan, baloia atzetik kontrolatuta ateratzean, eta Makabi, ondo presioan, adi egon da, eta arriskua sortu du. Israelgo taldeak aurrerapausoa eman du, lehen 45 minutuekin alderatuta, eta Marreroren atera sarriago hurbildu da.
Bigarren zati horretako hamabosgarren minutuan, Sadiqek sareetara bidali du Braisek kornerretik jarritako erdiraketa, Pachecok buruz atzera jo eta gero, baina epileak, VARean aztertuta, baliogabetu egin du gola, ustez Aguerd jokoz kanpo zegoelako. Realak, baina, 64. minutuan, gauzatu egin du 0-2koa, Sergio Gomezen bitartez; euskal taldeko balio anitzeko jokalariak ezin hobeto burutu du kontraeraso azkar bat, Beckerren pasea baliatuta.
Reala sendo zebilen, eta partida oso kontrolpean zuen, baloia modu egokia alde batera eta bestera mugituz, baina, 82. minutuan, burukada ona eginda, Dor Turgemanek 1-2koa jarri du. Hori gorabehera, Realak ondo itxi du area, eta ez du estutasunik izan, azken finean, aurtengo Europa Ligan lortzen duen aurreneko garaipena bermatzeko. Makabik Tel Aviv hamar jokalarirekin amaitu du norgehiagoka, epaileak Davida kanporatu baitu.
Fitxa teknikoa
1 - Makabi Tel Aviv: Mishpati; Lemkin, Shlomo, Stojic, Davidzada (Jehezkel, 70. min); Sissokho (Van Overeem, 70. min), Dor Peretz (Davida, 70. min), Kanichowsky; Patati, Madmon (Turgeman, 76. min) eta Shahar (Addo, 70. min).
2 - Reala: Marrero; Aramburu (Aritz, 75. min), Aguerd, Pacheco, Javi Lopez; Zubimendi, Turrientes (Sergio Gomez, 59. min), Brais Mendez (Olasagasti, 84. min); Kubo (Barrenetxea, 75. min), Sadiq eta Oyarzabal (Becker, 59. min).
Golak: 0-1, 19. min: Pacheco. 0-2, 64. min: Sergio Gómez. 1-2, 82. min: Turgeman.
Epailea: Rohit Saggi (Norvegia). Makabi Tel Aviveko Patati, Van Overeem eta Jehezkel, eta Realeko Kubo eta Javi Lopez zigortu ditu, txartel horia aterata. Makabiko Davida kanporatu du, bi txartel hori erakutsita.
Gertakizunak: 500 bat zale, Stadion Partizanan.
Zure interesekoa izan daiteke
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.