Realak bosgarren postura hurbiltzeko aukera galdu du, Getaferekin 1-1 berdinduta
Realak 1-1 berdindu du Getaferekin Coliseum estadioan jokatutako EA Sports Ligako 32. jardunaldiko partida. Ondorioz, Gipuzkoako taldeak bosgarren postura gerturatzeko aukera bikaina galdu du. Txuri-urdinek 51 puntu dituzte, bosgarrena den Athleticekiko 8 puntura jarraitzen du, eta zazpigarren den Betisi hiru puntu ateratzen dizkio.
Talde txuri-urdinak ondo ekin dio neurketari, eta gola sartu du 13. minutuan; Barrenetxeak Soria atezaina gainditu du (0-1), Beckerren erdiraketa errematatu eta baloia aurkariaren atean sartuta.
Lehen gola sartu ostean, Realak kontrolpean izan du neurketa. Hala ere, 30. minutuan, Madrilgo taldeak lehia berdindu du Latasaren golari esker (1-1). Remiro Realeko atezainak gelditu bikaina egin du lehenengo, baina, ondoren, ezin izan du Getaferen gola saihestu.
Lehen zatiaren azken txanpan, Gipuzkoako taldeak aurrerapausoa eman du. Gainera, atsedenaldira heldu orduko, abagune argia izan du, baina Zakharyanen jaurtiketa Soriak gelditu du hankarekin.
Bigarren zatiari ekiteko, Imanol Alguacil Realeko entrenatzaileak Odriozola eta Kubo zelairatu ditu, Traoreren eta Barrenetxearen ordez.
Getafe izan da nagusi bigarren zatiko lehen minutuetan. Jose Bordalasek zuzentzen dituen mutilek gola sartzeko aukera izan dute 55. minutuan; Oscar Rodriguezen falta jaurtiketak zutoina jo du, eta Le Normandek atepetik aldendu du baloia.
Atsedenaldiaren ostean, txuri-urdinei kosta egin zaie lehiari neurria hartzea. Hala ere, aurrerapausoa eman du, eta abaguneak sortzen hasi da. Neurketako 70. minutuan, Beckerrek ez du asmatu area barruan egindako errematean; ondoren, Sadiquen saiakera gora joan da; eta, gero, Soriak erantzun bikaina eman dio Turrientesen jaurtiketari.
Azken minutuetan, bi taldeetako bat ere ez da gai izan aurkariaren atea berriz zulatzeko, eta partida berdinduta amaitu da (1-1).
Fitxa teknikoa:
1.- Getafe: Soria; Carmona (Gaston, 88. min), Djene (Jorge Martin 91. min), Alderete, Diego Rico; Milla; Oscar (Tallal, 88. min), Yellu (Moriba, 67. min), Maksimovic, Greenwood; eta Latasa (Jaime Mata, 67. min).
1.- Reala: Remiro; Traoré (Odriozola, 46. min), Pacheco, Le Normand (Tierney, 84. min), Javi Galan; Turrientes; Becker (Sadiq, 68. min), Zakharyan (Aritz, 69. min), Mikel Merino, Barrenetxea (Kubo, 46. min); eta Oyarzabal.
Golak: 0-1, 13. min: Barrenetxea; 1-1, 30. min: Latasa.
Epailea: Victor Garcia Verdura. Txartel horia atera die Mikel Merino (34. min) eta Aritz (95. min) Realeko jokalariei.
Zure interesekoa izan daiteke
Andreia Jacintok onartu du taldeak "triste" bukatu zuela Real Madrilen aurkako partida, punturik lortu ez zuelako
Erdilari portugaldarrak Real Madrilen aurkako porrota; Bartzelonaren kontrako garaipena; donostiarrek Ligan eta Kopan izango duten hurrengo aurkaria, Deportivo; taldearen dinamika; entrenatzaile txuri-urdinaren ezaugarriak; aurreko denboraldia eta Donostiako egonaldia aztertu ditu.
Jokin Aperribay: "Bilakaera, exijentzia eta konfiantza; horiek dira hitz gakoak, emaitza onak lortzeko"
Realeko Akziodunen Batzar Nagusia amaituta, Realeko presidenteak EITBrekin hitz egin du. Aperribayk nabarmendu du nola, “kudeaketa erraza ez bada ere”, Gipuzkoako kluba, “azken urteotan, emaitza ekonomiko onak lortzen ari den”.
Realak 160 milioi euroko aurrekontua onartu du 2025-2026 denboraldirako
Zenbateko errekorra da hori. Realak, 2024-2025eko ekitaldian, 16,9 milioiko superabita izan zuen, eta aurreikuspena da 2025-2026koan beste 17,8 milioi irabaztea.
_945_?fmt=webp-alpha&qlt=80)
''Eldenseren aurkako partida oso zaila izanen da, asko sufritzen da; partida serio bat egitera joanen gara''
Realak Eldenseren aurka jokatuko du Errege Kopako kanporaketa. Jon Karrikaburuk badaki zer den Pepico Amat Berrian jokatzea eta berarekin egon gara bere erreakzioa ezagutzeko.
Sansek porrot egin du Anoetan Sportingen aurka (0-1)
Talde txuri-urdinak etxean lortu ditu puntu guztiak, baina ez da Gelaberten golari buelta emateko gai izan.
Take Kubo: ''Alaves indartsuago atera da; ahalik eta lasterren altxatu behar gara''
Alavesek 1-0 garaitu du Reala, Mendizorrotzan jokatu duten derbian. Partidaren ostean, Take Kubok hausnarketa egin du talde txuri-urdinaren egoeraz. "Hau da gure errealitatea", adierazi du.
Sergio Francisco: ''Jokalariak gogotsu ikusten ditut talde on bati irabazteko''
Mendizorrotzak sailkapenean puntu bakarreko aldea duten bi talderen arteko derbia jasoko du. Txuri-urdinek 16 puntu dituzte, eta babazorroek 15.
Errege Kopako Reus-Reala partidaren laburpena eta golak
Realak 0-2 hartu zuen mendean Reus, Errege Kopako bigarren kanporaketan. Mikel Gotik, 49. minutuan, eta Sadiqek, bigarren zatiko luzapenean, penaltiz, talde txuri-urdinaren golak egin dituzte.
Mikel Goti: ''Hurrengo fasera igarotzeko borrokatu dugu partida osoan zehar, eta lortu dugu''
Realak Errege Kopako final-hamaseirenetarako txartela lortu du, Reusi 0-2 irabazita. Mikel Gotirekin, partidako lehen goleatzailearekin, egon gara partidua nola bizi izan duten jakiteko.
Realak Reusen irabazi du (0-2), eta aurrera egin du Errege Kopan
Sergio Franciscoren taldea final hamaseirenetan da. Mikel Gotik, 49. minutuan, eta Sadiqek, bigarren zatiko luzapenean, penaltiz, talde txuri-urdinaren golak egin dituzte.