Albiste da:

Iris Arnaizek kontratua berritu du Realarekin 2024ra arte

Jokalari asturiarrak beste denboraldi batez jarraituko du talde txuri-urdinean. Kontratua sinatu du 2024ko ekainaren 30era arte.

EITB

2023/04/21 - 21:03

Azken eguneratzea

2023/04/21 - 21:03

Iris Arnaizek kontratua berritu du Realarekin 2024ko ekainaren 30era arte, klubak ostiral honetan, apirilaren 21ean jakinarazi duenez, komunikatu baten bidez.

Jokalari asturiarra eta Reala akordiora iritsi dira bi aldeak lotzen dituen kontratua beste denboraldi batez luzatzeko. Irisek klubarekin zuen lotura denboraldi amaieran amaitzen zen; orain, ordea, Natalia Arroyo entrenatzailearen aginduetara jarraituko dute datorren sasoian ere.

"Oso pozik nago. Kontratua berritzea pozgarria da niretzat, baita nire taldekideentzat eta familiarentzat ere. Etxean bezala sentitzen naiz hemen", adierazi du Iris Arnaizek kontratua berritu ostean.