Realak talka egin du Cadizen harresiarekin eta ez da berdinketatik pasa (0-0)
Realak hutsan berdindu du Cadizen aurka Reale Arenan jokatu duen Santander Ligako 24. jardunaldiko partida. Donostiarrak nagusi izan dira, bai baloiaren jabetzan baita jokoan ere, baina ez dute sarean golik sartzea lortu. Partidan zehar, bi atezainek beltzez jokatu dute Jose Angel Iribar Athletic Clubeko atezain mitikoaren omenez.
Reala jokoan nagusi izaten hasi da eta neurketako lehen aukera beraientzat izan da. Areara ondo ateratako falta Le Normandek errematatu du, baina bere burukada ez da behar bezain indartsu joan eta Cadizko atezainaren eskuetan amaitu du.
Hurrengo minutuetan etxekoek Cadiz euren zelaian giltzapetu dute. Jokalari txuri-urdinek hainbat aukera izan dituzte, horien artean Take Kuboren jaurtiketa bat, gutxigatik kanpora joan dena. Brais Mendezek ere hanka prestatu du jaurtiketarako, baina aurkari gehiegi zituen gainean sarerako bidea aurkitzeko.
Bisitariak kontraerasoan irteten saiatu dira, aurrelarien abiadura aprobetxatuz, baina emaitzarik gabe, defentsa donostiarra oso sendoa izan baita euren lanean. Bongonda bakarrik izan da gai Realari sustoa emateko. Aurrelari belgikarrak defentsaren bizkarrean jaso du baloia, baina jaurtiketa desbideratuta joan zaio.
Braisek berriro izan du aukera falta jaurtiketa batean. Erdiraketa itxi bat jarri du, eta tiro itxura hartu du. Ledesma ez da lehenengoan blokatzeko gai izan, eta baloiak zutoinean jo du azkenean.
Realak saiatzen eta presionatzen jarraitu du lehen zati osoan, baina beti bisitarien harresiaren kontra talka egitenez. Carlos Fernandezek ezin izan du urrezko abagune bat bihurtu azken minutuan, atezainak ondo estali baitio eta bere jaurtiketa behartua kanpora joan da.
Bigarren zatian, David Silva zelaian zela, euskaldunen jokoa hobetu egin da, eta Sergio Gonzalezen taldea atzera egiten hasi da emaitza defendatzeko. Baina hor iritsi da bisitarien aukerarik onena, Rogerrek zutoinera egindako jaurtiketa batekin. Gola ez dairitsi, baina sustoa ondo sartuta egon da talde txuri-urdinaren gorputzean. Falik korner batean jaso duen kolpeak erabat hoztu du partida, Cadizeko jokalariak minutu asko eman baititu lurrean eta, 11 minutuko luzapena izan arren, markagailua ez da mugitu.
Fitxa teknikoa
0 - Reala: Remiro; Gorosabel (Sola, 80. min), Zubeldia, Le Normand, Rico; Zubimendi, Merino, Brais (Silva, 60 min), Take Kubo; Oyarzabal (Momo Cho, 80 min) eta Carlos Fernandez (Sorloth, 60 min).
0 - Cadiz: Ledesma; Pacha Espino, Fali (Jorge Mere, 88 min), Luis Hernandez, Iza; San Emeterio (Alcaraz, 60 min), Escalante, Alex Fernández (Alejo, 60 min), Bongonda (Guardiola, 60 min); Sobrino eta Roger Marti (Chris Ramos, 77 min).
Epailea: Mateu Lahoz. Txartel horia atera dio San Emeteriori.
Zure interesekoa izan daiteke
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.