Realak Sporting Huelva garaitu du (1-0), eta Superkopako finalean da
Realak Sporting Huelva garaitu du asteazkenean, 1-0, Alejandra Bernabek sartutako golari esker, Superkopako finalerdian, eta, ondorioz, igandeko finalerako sailkatu da. Natalia Arroyoren taldea ondo ibili da Meridako Romano Jose Fouto zelaian, eta argi irabazi du, nahiz eta emaitza estua izan. Realak Bartzelona edo Real Madril izango du aurkari.
Talde gipuzkoarra ia hasieratik izan da aurkaria baino gehiago, eta, nahiz eta markagailuan izan duen abantaila ezin izan duen handitu, ez du estutasunik izan eusteko eta finalerako txartela ziurtatzeko. Sporting Huelva sendo ibili da atzealdean, eta ez dio Arroyoren taldeari eroso jokatzen utzi, baina Realak aise menderatu du zelai erdia, eta eskuratutako garaipen garrantzitsua merezi izan du.
Lehen zatian, horrela, Realak hartu du jokoaren kontrola, eta arerioa baino sarriago gerturatu da areara. Natalia Arroyoren taldeak abiadura eman dio jokoari, Sporting Huelvaren atzealdea irekitzeko asmoz; talde andaluziarra, baina, ondo ibili da defentsa lanetan, eta gol aukera gutxi izan dira. Hala, ematen zuen Realak zuela hurbilago lehen gola, Sporting Huelvak baino.
Inpresio hori erabat baieztatu da bigarren zatian. Atsedenaldia amaituta, Realak indartu egin du erasoaldia, eta Bernabe eta Gaby aurreneko gola sartzeko aukera onak izan dituzte lehen laurdenean. Azkenean, 64. minutuan, Bernabek bidali du baloia sareetara; madrildarra neurketako jokalaririk onenetakoa izan da, eta Realari eman dio talde gipuzkoarrak merezi zuen gola.
Azken minutuetan, Realak baloiaren jabetzari eutsi dio, eta aukera gehiago ere izan ditu bigarrena jartzeko Romano Jose Foutoko markagailuan. Ez da hala izan, baina txuri-urdinek garrantzitsuena bermatu dute: Superkopako finalerako sailkapena. Finala igandeko 12:00etan jokatuko du Realak, historian bigarren aldiz, eta txapelketa honetako lehen titulua eskuratzeko aukera izango du.
Fitxa teknikoa:
Real Sociedad: Lete Para; Le Guilly, Tejada, Vanegas, Bernabé; Eizaguirre (Sarriegi, 82. min.), Arnaiz, Gili; Gabilondo (Jensen, 60. min.), Garcia eta Franssi.
Sporting Huelva: Ashurst; Kühn, Balleste, Ojeda (Ana, 84. min.), Carrasco; Edgren (Lopez, 84. min.), Castello, Balcerzak, Hagman; Agustsdottir (De Teresa, 63. min.) eta Simonsson.
Gola: 1-0, 64. min., Bernabe.
Zure interesekoa izan daiteke
Andreia Jacintok onartu du taldeak "triste" bukatu zuela Real Madrilen aurkako partida, punturik lortu ez zuelako
Erdilari portugaldarrak Real Madrilen aurkako porrota; Bartzelonaren kontrako garaipena; donostiarrek Ligan eta Kopan izango duten hurrengo aurkaria, Deportivo; taldearen dinamika; entrenatzaile txuri-urdinaren ezaugarriak; aurreko denboraldia eta Donostiako egonaldia aztertu ditu.
Jokin Aperribay: "Bilakaera, exijentzia eta konfiantza; horiek dira hitz gakoak, emaitza onak lortzeko"
Realeko Akziodunen Batzar Nagusia amaituta, Realeko presidenteak EITBrekin hitz egin du. Aperribayk nabarmendu du nola, “kudeaketa erraza ez bada ere”, Gipuzkoako kluba, “azken urteotan, emaitza ekonomiko onak lortzen ari den”.
Realak 160 milioi euroko aurrekontua onartu du 2025-2026 denboraldirako
Zenbateko errekorra da hori. Realak, 2024-2025eko ekitaldian, 16,9 milioiko superabita izan zuen, eta aurreikuspena da 2025-2026koan beste 17,8 milioi irabaztea.
_945_?fmt=webp-alpha&qlt=80)
''Eldenseren aurkako partida oso zaila izanen da, asko sufritzen da; partida serio bat egitera joanen gara''
Realak Eldenseren aurka jokatuko du Errege Kopako kanporaketa. Jon Karrikaburuk badaki zer den Pepico Amat Berrian jokatzea eta berarekin egon gara bere erreakzioa ezagutzeko.
Sansek porrot egin du Anoetan Sportingen aurka (0-1)
Talde txuri-urdinak etxean lortu ditu puntu guztiak, baina ez da Gelaberten golari buelta emateko gai izan.
Take Kubo: ''Alaves indartsuago atera da; ahalik eta lasterren altxatu behar gara''
Alavesek 1-0 garaitu du Reala, Mendizorrotzan jokatu duten derbian. Partidaren ostean, Take Kubok hausnarketa egin du talde txuri-urdinaren egoeraz. "Hau da gure errealitatea", adierazi du.
Sergio Francisco: ''Jokalariak gogotsu ikusten ditut talde on bati irabazteko''
Mendizorrotzak sailkapenean puntu bakarreko aldea duten bi talderen arteko derbia jasoko du. Txuri-urdinek 16 puntu dituzte, eta babazorroek 15.
Errege Kopako Reus-Reala partidaren laburpena eta golak
Realak 0-2 hartu zuen mendean Reus, Errege Kopako bigarren kanporaketan. Mikel Gotik, 49. minutuan, eta Sadiqek, bigarren zatiko luzapenean, penaltiz, talde txuri-urdinaren golak egin dituzte.
Mikel Goti: ''Hurrengo fasera igarotzeko borrokatu dugu partida osoan zehar, eta lortu dugu''
Realak Errege Kopako final-hamaseirenetarako txartela lortu du, Reusi 0-2 irabazita. Mikel Gotirekin, partidako lehen goleatzailearekin, egon gara partidua nola bizi izan duten jakiteko.
Realak Reusen irabazi du (0-2), eta aurrera egin du Errege Kopan
Sergio Franciscoren taldea final hamaseirenetan da. Mikel Gotik, 49. minutuan, eta Sadiqek, bigarren zatiko luzapenean, penaltiz, talde txuri-urdinaren golak egin dituzte.