Reala nagusitasunez gailendu zaio Coriari (0-5) eta final-hamaseirenetarako txartela eskuratu du
Reala aise nagusitu da Coriaren aurka (0-5) asteazken honetan (abenduak 31) Extremaduran jokatu duen Errege Kopako bigarren kanporaketan, eta final-hamaseirenetarako txartela lortu du.
Hasieratik nagusi izan da talde gipuzkoarra. Gainera, bosgarren minutuan sartu du lehen gola; Robert Navarrok jarri du 0-1ekoa markagailuan, Choren paseari amaiera bikaina emanda.
Golak erosoago jokatzea ahalbidetu dio Realari. Pixkanaka, gero eta nabarmenagoa izan da txuri-urdinen nagusitasuna. Horrela, 17. minutuan Chok sartu du 0-2koa, boleaz errematea egin eta atezaina gaindituta.
Ondoren, 31. minutuan, Sorloth ez da fin ibili aurkariaren ate aurrean. Hiru minutu beranduago, Coriak lehen abagunea izan du, baina Cerroren errematea kanpora joan da oso gutxigatik.
Atsedenaldira iritsi aurretik, epaileak Realaren aldeko penaltia adierazi du, area barruan Silvari egin dioten faltaren ondorioz. Hamaika metroetatik Brais Mendezek sartu du txuri-urdinen hirugarren gola (0-3).
Bigarren zatian ere jaun eta jabe izan da Imanol Alguacilek zuzentzen duen taldea. Sorlothek abagune bikaina alferrik galdu du 50. minutuan; norvegiarra bakarrik geratu da Varearen aurrean, eta atezainak eragotzi du gola baloia desbideratuta. Lau minutu beranduago, Cera Coriako jokalariak atepetik atera du baloia.
Kontrolpean izan du lehia Realak. Neurketako 69. minutuan Vareak gelditu du Brasien jaurtiketa. Ondoren, 73.ean, jokalari bat gutxiagorekin geratu da Coria, Pedro Mellik txartel gorria ikusi baitu Marini egin dion sarrerarengatik.
Erabakita heldu da neurketa azken ordu laurdenera. Hala ere, txuri-urdinek garaipena biribildu beste bi gol sartuta. Karrikaburu izan da txuri-urdinen azken bi golak (0-4 eta 0-5) sartu dituena, 79 eta 83. minutuetan: lehena, atezaina presionatuta, eta bigarrena Marinen pase bikaina baliatuta.
Fitxa teknikoa:
0-Coria: Toni Varea; Cera, Mahillo (Vadillo, 76. min) Mateo (Mercadal, 65. min) Joserra; Sergio Gómez, Alejandro (Pedro Melli, 65. min), Alberto Bernardo (Alexander, 76. min), Deco; Santi Luque eta Cerro (Ledesma, 65. min).
5-Reala: Remiro; Rico (Pacheco, 80. min), Zubeldia, Aritz, Le Normand; Navarro, Silva (Ander Martín, 46. min), Brais Mendez, Zubimendi (Guevara, 77. min); Sorloth (Pablo Marin, 65. min) eta Cho (Karrikaburu, 77.min).
Golak 0-1, 5. min: Robert Navarro. 0-2, 17. min: Cho. 0-3, 45. min: Brais Mendez, penaltiz. 0-4, 79. min, Karrikaburu. 0-5, 84. min, Karrikaburu.
Epailea: Alejandro Muñiz Ruiz. Txartel horia atera dio Joserrari (29. min), eta txartel gorria Pedro Melliri (74. min).
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.