Reala Kopako hurrengo fasera sailkatu da Cazalegas mendean hartuta (1-4)
Reala Errege Kopako hurrengo fasera sailkatu da. Lehenengo minutuan zabaldu du markagailua area kanpotik Navarrok egin duen gol batekin. Partidak, ordea, ez du hasierako traza jarraitu. Izan ere, Imanolek zuzendutako taldea baloi eta jokoaren jabe izan da norgehiagoka guztian zehar, baina 68. minutuan, Cazalegasek berdinketaren gola egin du. Imanolek, baina, partidak jokatzen dituzten jokalari ohikoenak zelairatu, eta 5 minututan, 3 gol lortu ditu.
Realak lehen aukeran egin du arratsaldeko lehen gola. Robert Navarrok area kanpotik egindako jaurtiketa neurtu batekin egin du gola (1. minutuan). Reala baloiaren jaun eta jabe izan da hasierako minutuetan, eta bazirudien erraz lortuko zuela garaipena Cazalegasen aurka.
Lehen zatian aukera ugari izan dituzte txuri-urdinek: Navarrok, Karrikaburuk eta Marinek, baina argiena Illarramendiren burukada bat izan da. 31. minutuan, korner bat luzatu du Aritz Elustondok, eta kapitainak bakar-bakarrik egin du errematea, baina kanpora bidali du.
44. minutuan, Cazalegasek atera egin duen lehen jaurtiketa heldu da; Alvaro Gilek egin du saiakera. Zubiaurrek arazo askorik gabe gelditu du.
Bigarren zatian, Cazalegasek Reala estutu du. Lehen aukera Karrikaburuk izan badu ere (51. minutuan), etxeko taldeak partida berdintzea lortu du. 68. mintuan, Riveirak baloia sareratu du kontraeraso baten ostean.
Gola jaso eta berehala, baina, sei minutu lehenago (62. minutuan) zelairatu diren Sorlothek eta Braisek aukera bikoitza izan dute, eta Cazalegas ez da gai izan hortik aurrera hasi den erauntsi txuri-urdina geratzeko.
75. minutuan, Braisen pase bat eta gero, Sorlothek 1 eta 2koa jarri du markagailuan. 2 minutu beranduago, norvegiarrak bere bigarren gola egin du bat baten aurkako jokaldia ate barrura bidaliz. 79. minutuan ere egoera berean ikusi du bere burua Sorlothek, baina orduan, etxeko atezainak jaurtiketa geratzea lortu du.
Aldaratzea kornerrera joan da, eta berau buruz errematatuta lortu du Merinok (73. minutuan zelairatu da) Realaren laugarrena. Txuri-urdinen gol festa handiagoa izan zitekeen baina partidako aukera garbiena langara bidali du Sorlothek.
Azkenean, Cazalegasen gola ilusioa izan da, eta Realak hurrengo faserako txartela lortu du.
Fitxa teknikoa:
1 – CD Cazalegas: Manchuca; Cristian Romero; Alonso; Barrientos; Ruben Rivera (Tesoro, 80. minutuan); Rober Nuevo (Chicha, 64. minutuan); Alfre Ramos; Nombela; Alvaro Gil; Victor Meneses; Crespo (Borja, 80. minutuan).
4 - Reala: Andoni Zubiaurre; Alex Sola (Andoni Gorosabel, 72. minutuan); Asier Illarramendi; Igor Zubeldia; Diego Rico; Ander Guevara; Robert Navarro; Beñat Turrientes (Mikel Merino, 72. minutuan); Jon Karrikaburu (Sorloth, 62. minutuan); Pablo Marin (Brais Mendez, 62. minutuan)
Golak: 0-1, 1. min.: Robert Navarro. 1-1, 68. min.: Ruben Rivera. 1-2, 76. min, Sorloth. 1-3, M.78, Sorloth. 1-4, 80. min, Mikel Merino.
Zure interesekoa izan daiteke
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.