Realak porrot mingarria jasan du Bartzelonaren aurka (1-4)
Realak denboraldiko lehen porrota jasan du Donostian Bartzelonaren aurka (1-4).
Golen arteko aldea oso handia da bi hamaikakoek partidan egindako merituak kontuan izanda. Realak aukerak izan ditu, baina golari begira asmatu ez izanak bere kontra jokatu du.
Partida hasi eta berehala, Lewandowskik lehen gola sartu du katalanentzat, baina, minutu gutxira, txuri-urdinek beste jokaldi on batekin erantzun diote, Isaken golarekin amaitu dena.
Minutuak pasa ahala, erritmoa moteltzen joan da, baina ia aukera bakoitzean markagailua aldatzeko aukerekin.
Realeko aurrelari japoniarra, Take Kubo, behin baino gehiagotan saiatu da tartearen aurretik, baina ez da Cadizen aurkako lehen jardunaldian bezain fin ibili.
Lehen zatia agortzen ari zen donostiarrentzat gol aukerarik onena iritsi denean, David Silvak hain asmo eta arrisku handiz errematatu duen Aritzen pase batean.
Lehen zatian erabat berdinduta egon ondoren, bigarrenean talde bisitaria etxekoa baino gehiago izan da, eta orduan iritsi dira Dembeleren, Lewandowskiren (bigarrena) eta Ansu Fatiren golak, hain zigor handia merezi izan ez zuen Reala zigortzeko.
Fitxa teknikoa
1 - Reala: Remiro; Aritz Elustondo (Gorosabel, 78. min), Zubeldia, Le Normand, Muñoz; Zubimendi, Merino (Karrikaburu, 78. min), Silva (Turrientes, 69. min); Brais, Kubo (Robert Navarro, 69. min) eta Isak (Cho, 69. min).
4 - Bartzelona: Ter Stegen; Araujo, Christensen, Eric, Balde (Raphinha, 63. min); Pedri, Gavi (Sergi Roberto, 84. min), De Jong (Kessie, 84. min); Ferran (Ansu Fati, 63. min), Dembele (Jordi Alba, 71. min) eta Lewandowski.
Golak: 0-1, 1. min: Lewandowski. 1-1, 4. min: Isak. 1-2, 65. min: Dembele. 1-3: Lewandowski. 1-4, 79. min: Ansu Fati.
Epailea: Munuera Montero. Txartel horia atera die Aritz Elustondo, Le Normand eta Araujori.
Zure interesekoa izan daiteke
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.
Igor Zubeldia: “Txapelketa asko ditugu denboraldian zehar; helburua da denetan lehiakorrak izatea”
Atzelariak, Zubietan, asteartean, hedabideen aurrean hitz egin du. Zubeldiak, denboraldiaren gainean zer espero duen galdetu diotenean, zehaztu du asmoa duela “ahalik eta partida gehienetan eskuragarri izatea” Rino Matarazzo entrenatzailearentzat.
Ava Seelenfreund fitxatu du Realak
Kaliforniako aurrelaria Realeko jokalaria izango da 2028-2029 denboraldi amaierara arte