Reala, lider, Lobetek 89. minutuan sartutako golari esker (1-0)
Pandemiako murrizketa guztiak kenduta, jendez gainezka egon da Reale Arenako futbol-zelaia Mallorcaren kontrako neurketan.
Realak iaz irabazi zuen Errege Kopako garaikurra zaleei eskaintzen hasi du gaua; lesionatuta dauden Mikel Oyarzabalek eta Asier Illarramendik eraman dute Kopa berdegunera.
Eta gaua borobiltzeko Mallorcaren kontrako neurketa amaitzear zegoela erdietsi ditu hiru puntuak Realak Santander Ligako liderra izateko.
Erritmo biziarekin ez da hasi gaurkoan Reala eta lehen ordu erdian ez da gol abagunerik egon. Hamabigarrenean, halere, sarrera gogorra egin dio Aihen gazteak Kang In Lee jokalariari eta merezitako txartel horia erakutsi dio epaileak. Kanpoko taldeak gorria eskatu egin du.
Aukerarik onena 32. minutuan heldu da korner jaurtiketa batean. Aritz Elustondoren errematea Reinak berriro kornerrera bidali du lehen gola saihestuz.
Eta lehen zatia amaitzear zegoela Aihenek beste falta bat egin, bigarren txartel horia ikusi eta ondorioz gorria ikusi du.
Imanol Alguacilek Gorosabel eta Zubimendi sartu ditu bigarren zatian eta 4-4-1 sistemarekin Isak utzi du aurrelari moduan kontraerasora jokatzeko. Mallorcak baloia izan du eta gol egiteko aukeraren bat ere, eta talde txuri-urdinak bere aukeraren zain.
Eta abagune hori 89. minutuan heldu da Lobeteren jokaldi bikainean.
HAMAIKAKOAK
Real Sociedad: Remiro, Zaldua, Elostundo, Aihen, LeNormand, Navarro (46' Gorosabel), Guevara (46' Zubimendi), Merino, Januzaj (65' Lobete), Portu (92' Zubeldia) eta Isak (65' Alexander Sorloth).
Mallorca: Reina, Maffeo, Russo, Valjent, Olivan, Battaglia (60' Sevilla), Ruiz de Galareta (75' Baba), Kang In Lee (85' Emboula), Dani Rodriguez, Amath (60' Fer Niño) eta Angel (75' Prats).
GOLA
1-0, Lobete (89')
Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.