Manchester Uniteden aurka jokatzeko ordezko zelaiak aztertzen ari da Reala
Reala Manchester Uniteden aurka jokatzeko ordezko zelaiak aztertzen ari da, otsailaren 18rako aurreikusitako partida Reale Arenan jokatzea ezinezkoa den kasurako. Erresuma Batuko hegaldiek sarrera mugatua dute Espainian, covid-19aren aldaera britainiarraren hedapena gelditzeko.
Ondorioz, Espainiako edo Andorrako bidaiariak soilik dauzkaten hegaldiek bakarrik dute Espainian sartzeko baimena. Momentuz, neurri hori otsailaren 16ra arte izango da indarrean, baina baliteke Espainiako Gobernuak epe hori luzatzeko erabakia hartzea.
Realaren eta Manchester Uniteden arteko final-hamaseirenetako joaneko partida otsailaren 18rako aurreikusita dago, baina UEFAren protokoloaren arabera, astelehenean neurketa non jokatuko den erabakita egon behar du. Hori dela era, Realari ordezko zelaiak proposatzeko eskatu dio, Manchester taldea Donostira joateko moduan ez bada.
Joaneko partida ere, arriskuan
Realean barneratuta dute egoerak hobera egiten ez badu otsailaren 25erako Old Trafforden aurreikusitako itzuliko partida ezin izango dela Manchesterren zelaian jokatuko, eta beste zelai batean jokatu beharko dutela.
Astelehenean, bi partiden behin betiko zelaiak erabakiko dituzte bi taldeek, UEFArekin batera.
Zure interesekoa izan daiteke
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.
Mikel Rodriguezek 2029ra arte berritu du Realarekin
Erdilaria gazte mailan ailegatu zen talde donostiarrera eta denboraldi honetan filialaren jokalari garrantzitsuenetariko bat izaten ari da.
Sansek markagailua irauli du Malagaren aurka, arnasa hartzen jarraitzeko (2-1)
Txuri-urdinen bigarren taldeak aurrerapauso garrantzitsua eman du sailkapenean, etxean aurkari zuzen bat mendean hartuta, alternatiba askoko duelu estu batean.
Egiguren: "Taldea oso gustura dago, egiten ari garen lana erakusten ari gara astuburuetan"
Intza Egiguren Realeko jokalariaren adierazpenak, F Ligako 20. jardunaldiko Athleticen aurkako derbia 0-2 amaitu ondoren.
Oyarzabal: “Uste dut ez dugula gure partidarik onena egin, baina honek ezin du aurreko guztia kendu”
Realeko kapitainak txuri-urdinen gola egin du Real Madrilen aurka Bernabeun, baina Rino Matarazzoren gizonek 4-1 galdu dute.
Real Madrilek amaiera eman dio Realaren bolada onari (4-1)
Oyarzabalek, penaltiz, Gonzaloren gola berdindu duen arren, Viniciusen bi golek (biak penaltiz) eta Valverderen beste batek garaipena eman diote Madrilgo taldeari, txuri-urdinen bolada onari amaiera emanez.
Matarazzo: "60 minutu jokatzeko prest egonez gero, Guedes hasierako hamaikakoan egon liteke"
Realak azken bi hilabeteetako bide onetik jarraitu nahi du bihar Bernabeun. Deialdiari erreparatuta Marrero zerrendara itzuli da, eta Guedesek ere Madrilera bidaiatuko du.
Turrientes: "Gau bikaina; lehenengo pausua eman dugu, baina oraindik bueltako partida gelditzen da"
Beñat Turrientes erdilari txuri-urdinak partida ederra jokatu du San Mamesen, eta gainera bere taldearen gola erdietsi du, Kopako kanporaketan aurretik joatea ahalbidetzen diona Donostiako taldeari Athleticen aurka.
?fmt=webp-alpha&qlt=80)
Matarazzo: "Partida oso ona egin dugu, pozik goaz Donostiara"
Realak 0-1 irabazi dio Athletici San Mamesen jokatu den Errege Kopako finalerdietako joaneko partida. Talde txuri-urdina zuri-gorria baino askoz hobeto ibili da kanporaketako lehen neurketan, eta sari handiagoa ere merezi izan du Katedralean.