Reala, Europa Ligako final-hamaseirenetako aurkariaren zain
Realak Europa Ligako final-hamaseirenetan izango duen aurkaria zein den jakingo du astelehen honetan, 13:00etan UEFAk Nyonen (Suitza) duen egoitzan egingo den zozketan.
Txuri-urdinak F Multzoko bigarren sailkatu modura sartu dira final-hamaseirenetan, eta, ondorioz, ez dira multzoburu izango.
Zozketako ontziak honako hauek izango dira:
Multzoburuen ontzia:
Milan (ITA, H multzoko irabazlea), Arsenal (ING, B), Ajax (NED*), Brujas (BEL*), Dinamo Zagreb (CRO, K), Hoffenheim (GER, L), Leicester (ING, G), Bayer Leverkusen (GER, C), Manchester United (ING*), Nápoles (ITA, F), PSV Eindhoven (NED, E), Rangers (SCO, D), Erroma (ITA, A), Shakhtar Donetsk (UKR*), Tottenham (ING, J) eta Vila-real (ESP, I).
Multzoburuak ez direnen ontzia:
Anberes (BEL, J multzoko 2.a), Benfica (POR, D), Braga (POR, G), Izar Gorria (SRB, L), Dinamo Kiev (UKR*), Granada (ESP, E), Krasnodar (RUS*), Lille (FRA, H), Makabi Tel Aviv (ISR, I), Molde (NOR, B), Olympiakos (GRE*), Real Sociedad (EUS, F), Salzburgo (AUT*), Slavia Praga (CZE, C), Wolfsberg (AUT, K) eta Young Boys (SUI, A).
(*): Txapeldunen Ligatik datozen taldeak.
Taldeek ez dute aurreko multzoan aurkari izan duten talde baten aurka jokatuko, ezta herrialde bereko talde baten aurka.
Beste baldintza bat dago Errusiako eta Ukrainako taldeen kasuan. Bi herrialde horietako taldeek ez dute elkarren aurka jokatu, UEFAko Batzorde Exekutiboak bi herrialdeek bizi duten egoera soziopolitikoaren ondorioz hartutako erabakiaren arabera.
Final-hamaseirenetako partidak otsailaren 18an eta 25ean jokatuko dira, 18:55ean eta 21:00etan.
Final-zortzirenetako zozketa otsailaren 26an egingo dute.
Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.