Realak merezitako puntua lortu du Alkmaarren (0-0)
Realak merezitako puntua atera du AZ Alkmaarreko zelaitik. Izan ere, Herbeheretako taldeak duela hiru aste Donostian baino gehiago aurrera jo du, nahiz eta Mikel Merino eta Cristian Portu gola sartzeko zorian egon diren norgehiagokaren amaieran.
Azken emaitzen ondorioz, F multzoa estutu egin da. Napoli liderra da 9 punturekin, Realak eta AZ Alkmaarrek 7 puntu dituzte eta Rijeka azkena da, 0 punturekin.
Partidan zehar bi taldeek izan dituzte aukerak, baina bakar bat ere ez du atea ikusi. 30. minutuan, AZ Alkmaar aurreratzeko zorian egon da, kontraeraso azkar bati esker. Stengsek sekulako pasea eman dio Midtsjori, baloiak Oyarzabal jo du eta Remirok geldiketa ona egin du.
Jarraian, epaileak jokoz kanpo faltsua seinalatu dio Isaki. Gola sartzeko aukera paregabea zen, bakarrik gelditu delako atezainaren aurrean.
Atsedenaldiaren bueltan, AZ Alkmaarrek hiru aukera arriskutsu izan ditu. Donostiarrek sufritu dute, bigarren zatiaren hasieran nederlandarrek estutu dutelako, baina gutxinaka gogogabetzen joan dira.
Oyarzabalek falta arriskutsua eragin du arearen ertzean. Jaurtiketak hesia kolpatu du, baina baloia Porturi erori zaio eta bere erremateak William Joseren bizkarrean jo du.
Azken minutuetan norgehiagoka zoratu egin da, taldeek ez zutelako berdinketarik nahi. Zakaria Aboukhlalek buruarekin gora bidali du baloia, etxekoentzako aukera on batean. Gero, Mikel Merinok makiletik gertu jaurti du baloia, donostiarren azken aukeran.
Fitxa teknikoa:
0 - AZ Alkmaar: Bizot; Winjdal, Martins Indi, Hatzidiakos, Svensson; Koopmeiners, De Wit, Midtsjo; Karlsson (71. min, Aboukhlal), Gudmundsson (71.min, Boadu) eta Stengs.
0 - Reala: Remiro; Monreal, Le Normand, Elustondo, Zaldua; Januzaj (73.min, Lopez), Merino, Zubimendi, Portu (82.min, Barrenetxea); Oyarzabal (86.min, Merquelanz) eta Isak (73.min, William Jose).
Epailea: Aleksandar Stavrev. Txartel horiak atera dizkie AZ Alkmaarreko Midtsjori, Svenssori, Martins Indiri eta Boaduri, eta Realako Oyarzabali.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.