Realak Cadizi irabazi dio, eta seigarren garaipena erdietsi du segidan (0-1)
Realak bere bolada ezin hobeari eutsi dio igande honetan Cadizen aurka, 0-1 nagusitu baita Ramon de Carranza futbol-zelaian, eta, hartara, Santander Ligan bata bestearen atzetik lortzen duten seigarren garaipena eskuratu dute Imanol Alguacilen mutilek. Ondorioz, sendo jarraitzen dute sailkapeneko lehen postuan.
Txuri-urdinek hainbat aukera izan dituzte partida osoan zehar, Mikel Merinok, adibidez, bi oso garbi alperrik galdu ditu lehen zatian. Lehendabizikoan, atepetik atera dio bere jaurtiketa Rafael Giménez 'Fali' atzelariak Adnan Januzajen jokaldi bikain baten ostean; bigarrenean, berriz, ez du bere burukada ate barrura bideratzen asmatu korner baten ondoren.
Etxekoek nahiko lan zuten gipuzkoarren erasoaldiei eusten, eta ez ziren gai Alex Remiroren atera arriskurik eramateko.
Bigarren zatian, txuri-urdinak lehen zatia bukatu bezala zelairatu dira. Hala, Merinori gol bat baliogabetu diote, Oyarzabalek jokoz kanpo egindako erdiraketa baten ostean (47. minutuan), bigarren zatiko lehen abagunean.
Realak agintzen jarraitu du, eta Conan Ledesma Cadizekoen atezainak Oyarzabalen erantzun ikusgarria eman dio Oyarzabalen jaurtiketa bati (65. min). Gola gertu zuten Imanol Alguacilen mutilek, eta hurrengo minutuan heldu da. Januzajek erdiraketa ezin hobea jarri du eskunaildetik bigarren zutanean, eta Alexander Isaken burukadak sare barrruan bukatu du.
Une horretatik aurrera, Realak baloiaren jabetza arriskuan jarri gabe kontrolatu du jokoa, minutuak pasatzen utziz beste kolpe bat emateko zain. Cadiz, berriz, berdinketaren bila saiatu da azken minutuetan. Hala ere, ez dute lortu Remiro arriskuan jartzerik, eta, ondorioz, Ligako bigarren porrota hartu dute jarraian, donostiarrek lider sendo jarraitzen duten bitartean.
Emaitza horren ostean, Reala sendo dago lidergoan (23 puntu, hamar jardunalditan).
Fitxa teknikoa:
0 - Cadiz: Ledesma; Carcelén (Akapo, 56. min), Fali, Marcos Mauro, Espino; Garrido (Álvaro Giménez, 46. min), Jonsson (Bodiger, 71. min), Álex Fernández, Salvi (Perea, 71. min), Jairo; Malbasic (Alejo, 56. min).
1 - Real Sociedad: Remiro; Zaldua, Elustondo, Zubeldia, Monreal; Guevara (Zubimendi, min. 90), Merino (Guridi, 83. min), Oyarzábal (Barrenetxea, 83. min), Silva, Januzaj (Portu, 73. min); Isak (William José, 73. min).
Gola: 0-1, 65. min: Isak.
Epailea: Estrada Fernández. Txartel horiak: Garrido eta Fali (Cadiz); Guevara (Real Sociedad).
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.