Reala galtzaile atera da Real Madrilen aurka
Realak porrota jaso du Real Madrilen aurka (3-1) Santiago Bernabeun jokatu duen Ligako 14. jardunaldiko partidan. Talde txuri-urdina irabazten hasi da, baina aurkariak emaitza iraultzea lortu du.
Bikain ekin dio neurketari Realak, bigarren minutuan aurretik jarri baita Willian Joseren golarekin (0-1). Sergio Ramosek huts egin du pasea ematerakoan, eta brasildarrak ez du barkatu Courtois atezainaren aurrean. Ondo jokatzen ibili da talde txuri-urdina, eta bigarren gola sartzeko abagunea ere izan du; Willian Josek, ordea, ez du asmatu Courtoisen aurkako buruz burukoan. Pixkanaka, Real Madril erasora jotzeko bideak aurkitzen hasi da, eta arriskua sortu du hegaletatik sartu diren Carvajalen eta Mendyren bitartez. Ekinean ibili da Real Madril, eta neurketa berdintzea lortu du Benzemak 37. minutuan sartu duen golarekin (1-1). Aurrelari frantziarrak bikain errematatu du Modricen erdiraketa.
Lehen zatiaren hasieran Realak gola sartu badu, bigarreneko hirugarren minutuan, Real Madril izan da aurrea hartu duena; Valverdek area kanpotik jaurti eta gola sartu du (2-1) baloiak Oyarzabalengan jo ostean. Gol horrek min egin dio talde txuri-urdinari eta ordutik aurrera jaun eta jabe izan da Real Madril. Rodrygok hirugarrena sartzeko abagune argia izan du, baina Remiro atezainak gelditu du aurrelari brasildarraren errematea. Ondoren, Hazardek ere izan du aukera, baina ez du asmatu. Zidanek zuzentzen duen taldea nagusi izan da, baina Realak bigarren zatian izan duen abagune gutxienetako baten, Willian Jose gola sartzetik gertu egon da, nahiz eta Courtoisek eragotzi duen gelditu on bat eginda. Aukera galdu ostean, Real Madrilek nagusi izaten jarraitu du, eta neurketa erabakita utzi du Modricek 74. minutuan sartu duen golarekin (3-1).
Fitxa teknikoa:
3 - Real Madril: Courtois; Carvajal, Varane, Sergio Ramos, Mendy; Casemiro, Modric (Isco, 83. min), Valverde (Kroos, 76. min); Rodrygo (Bale, 67. min), Hazard eta Benzema.
1 - Reala: Remiro; Zaldua, Diego Llorente, Elustondo, Monreal; Merino, Zubeldia, Odegaard; Portu (Januzaj, 73. min), Oyarzabal (Isak, 80. min) eta Willian Jose.
Golak: 0-1, 2. min: Willian Jose. 1-1, 37. min: Benzema. 2-1, 48. min: Valverde. 3-1, 74. min: Modric.
Epailea: Gil Manzano. Txartel horiak atera dizkie Ramos (52.- min) Real Madrileko jokalariari, baita Zaldua (84. min) Realeko futbolariari.
Zure interesekoa izan daiteke
Alazne Estensorok 2028ra arte berritu du Realarekin
19 urteko atezain lazkaotarrak Moeve F Ligan egin du debuta denboraldi honetan, talde txuri-urdinarekin.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Alvaro Odriozolak ezker belauneko aurreko lotailu gurutzatua hautsi du
Realeko atzelariak belauna bihurritu zuen larunbatean, Anoetan, Oviedoren aurka jokatutako partidan.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.
Berdinketa mingotsa lortu du Realak Oviedoren aurka (3-3)
Realak buelta eman dio Oviedoren 0-2koari, baina Asturiasko taldeak markagailua berdindu du azken hasperenean.
Elustondo: "Ez gara eroso sentitu, saiatu gara, baina gauzak ez ziren ateratzen"
Aritz Elustondo Realeko jokalariaren adierazpenak, EA Sports Ligako 25. jardunaldiko partidan Oviedoren aurka 3-3 berdindu ostean.
Job Ochiengek 2028ko ekainera arte berritu du Realarekin
Hegalekoak debuta egin du dagoeneko lehen taldean, Matarazzoren gidaritzapean, eta beste bi denboraldi emango ditu txuri-urdinez jantzita.
Rino Matarazzo, Reala-Real Oviedo partidaz: "Erakutsi behar dugu gose garela eta gehiago nahi dugula"
Realak Real Oviedoren aurka jokatuko du Anoetan larunbatean, 14:00etan. Txuri-urdinen entrenatzailearen iritziz, Realak Bernabeun galdu ondoren, “errekzionatu beharra daukagu, aurkariarekiko errespetua erakutsi, eta maila igo”.
Oskarsson: "Denboraldiko unerik onenean nago"
"Egunetik egunera sentsazio hobeak ditut, erritmo eta konfiantza handiagoa", aitortu du Realeko aurrelariak, ETBk egindako elkarrizketan. Islandiarrak izan dituen lesioak gogora ekarri ditu, eta atzean utzi nahi dituela erantsi du. Bestalde, bere abestiari buruz hitz egin du: "Oso ezaguna da". Azkenik, eskerrak eman dizkie zaleei abestiagatik, eta une zailetan emandako babesagatik.