Realak bigarren garaipena jarraian lortu du, Espanyoli irabazita
Realak garaipena lortu du Espanyolen aurka (1-3) Santander Ligako 5. jardunaldiko partidan. Talde txuri-urdinak neurketa bikaina jokatu du. Garaipen honi esker, Realak 10 puntu ditu, eta sailkapenaren goialdean da.
Bikain ekin dio Realak neurketari, baloiaren jabe eginez, eta abagune argiak sortzea kosta zaion arren, jaun eta jabe izan da lehen minutuetan. Talde txuri-urdinaren nagusitasunak saria jaso du 18. minutuan Willan Josek sartu duen golarekin (1-0). Kontraeraso bikaina antolatu du Realak, Oyarzabalek pase bikaina eman dio Willian Joseri, eta aurrelari brasildarrak ez du barkatu Diego Lopez atezainaren aurrean. Gola sartu ostean, Realaren nagusitasuna areagotu egin da. Portuk aukera bikaina izan du 29. minutuan, baina jaurtiketa gora joan zaio. Bost minutu beranduago, 34.ean, Willian Josek 2-0ekoa sartu du: Portu bakarrik geratu da Diego Lopez atezainaren aurrean, atezainak gola eragotzi du hasieran, aldaratzea Porturi berari iritsi zaio, pasea eman dio Willlian Joseri, eta honek sare barrura bidali du errematea.
Bigarren zatiaren hasieran Espanyolek erasora jo du. Realak lan egin behar izan du defentsan, eta Moya atezainak ondo gelditu du Granerok 53. minutuan egin duen jaurtiketa. Sei minutu beranduago, Espanyolen kontraerasoko jokaldian, Callerik Moya atezaina gainditu du, baina talde perikitoko aurrelariak jaurtiketa egin aurretik Zubeldia gurutzatu da, baloia aldendu eta etxekoen gola eragotziz. Neurketako 71. minutuan, Espanyolek aldeak murriztu ditu Zalduak bere atean sartutako golari esker (1-2). Hala ere, pozak gutxi iraun dio Espanyoli, 74. minutuan Calerok huts egin baitu zelai erdian pasea ematerakoan, Isakek baloia hartu, aurrera egin, eta maisuki gainditu du Diego Lopez atezaina (1-3), Realaren garaipena ziurtatuz.
Fitxa teknikoa:
1 - Espanyol: Diego Lopez; Victor Sanchez, Lluis Lopez, Calero, Didac Vila (Pedrosa, 57. min); Marc Roca (David Lopez, 80. min), Darder, Granero (Campuzano, 65. min); Vargas, Wu Lei eta Calleri.
3 - Reala: Moya; Zaldua (Le Normand, 80. min), Elustondo, Diego Llorente, Monreal; Zubeldia, Merino (Zurutuza, 84. min), Odegaard; Portu, Oyarzabal eta Willian Jose (Isak, 65. min).
Golak: 0-1, 18. min: Willian Jose. 0-2, 34. min: Willian Jose. 1-2, 72. min: Zaluda (b.a.). 1-3, 74. min: Isak.
Epailea: Cordero Vega. MTxartel horia atera dio Granerori (27. min).
Zure interesekoa izan daiteke
Sansek barkatu egin du Ceutan, eta saririk gabe geratu da (0-0)
Talde txuri-urdina nagusi izan da eta abagune onenak sortu ditu, baina ate aurrean asmatu ez izanak eta aurkariaren atezainaren lan onak eskura zirudien garaipena eragotzi dute.
Matarazzo: “Badakigu zer datorkigun, baina orain Alavesen aurkako partida da garrantzitsuena"
Pellegrino Matarazzok azpimarratu du Realak Alavesen aurka larunbat honetan jokatuko duen derbia soilik daukala buruan, Kopako finalerako astebete gelditzen bada ere.
Jon Martin: “Ongi defendatzen badugu, irabazteko aukera asko izango ditugu”
Jon Martin Realeko jokalariak datorren apirilaren 18an Atletico Madrilen aurka jokatuko duten finalaz hitz egin du elkarrizketa honetan. Partida parekatua dela iruditzen zaio Martini, eta irabazteko aukerekin ikusten du taldea.
Juanan Larrañaga: “Reala ondo dago; erakutsi zion Altletico Madrili gai dela aurre egiteko”
Errege Kopako atarian, Juanan Larrañaga Realeko jokalari ohia elkarrizketatu dugu. 87ko partidaz eta ostean bizitzakoaz aritu gara berarekin. Oraingoan, ordea, Larrañagak “beste leku batetik eta lasaiago” ikusiko du finala.
Sansek porrota jaso du Sportingen aurka, Gijonen (1-0)
Txuri-urdinek Asturiasko taldea asko estutu dute azken minutuetan, baina ezin izan dute norgehiagoka berdindu.
Aguirre: “Begirada gora izan behar da beti, eta honek indarra ematen digu"
Ibai Aguirre Realeko jokalariaren adierazpenak, EA Sports Ligako 30. jardunaldiko partidan debutatu eta Levanteren aurka 2-0 irabazi ondoren.
Realak Europarako postua sendotu du Levanteren aurka 2-0 irabazita
Jon Martinek markagailua ireki du, eta Brais Mendezek partida erabakita utzi du, Alex Remirok atea hutsean mantendu duen bitartean.
Realak “bostekoa" eman dio Alhamari (1-5)
Reala 1-0 galtzen hasi da Alhamaren aurka etxetik kanpo jokatu duen partida, baina berehala erreakzionatu du, eta nagusitasun handiarekin gailendu zaio: 1-5.
Matarazzo: “Pausoz pauso eta partidaz partida joan behar dugu"
Pellegrino Matarazzok adierazi du ulertzen duela zaleak Kopako finalean pentsatzen egotea, baina Realeko entrenatzaileak azpimarratu du aurretik Ligako bi partida jokatu behar dituztela, eta horren harian esan du taldea larunbat honetan Levanteren aurka etxean jokatuko duen partidan kontzentratuta dagoela.
Jon Ansotegi: “Partida berezia da neretako, jokalariendako eta hemen gauden guztiendako"
Jon Ansotegik prentsaurrekoa eman du ostegun honetako derbiari begira. Sanseko entrenatzaileak taldearen lan bikaina azpimarratu du, nahiz eta Almeriaren aurkako partida kaskarra izan. Partidarako eskuragarri izanen dituen jokalari guztiak ezagutzeko, lehen taldearen beharren zain daudela adierazi du Ansotegik. Gainera, derbi honen berezitasuna nabarmendu du, izan ere, Eibarreko hainbat jokalarik Realan jokatu dute iraganean.